Popular Bible Verses from Yoh 4

Share

Ruhanga aba omutima; n'abamuramya baba ab'okumuramiza omu mutima n'omu mazima.

Kwonka obunaku buryahika, nangwa bwahikire, obu abarikuramya omu mazima, bariramya Taata omu mutima n'omu mazima, ahabw'okuba abamuramya batyo nibo Ruhanga asiima.

kwonka onywa amaizi agu ndimuha, tarigira iriho bundi; amaizi agu ndimuha garyahinduka enshuro, efumukye omuriwe, emureetere amagara agatahwaho.

Yesu yaamugarukamu ati: Kuri waaba noomanya engabirano ya Ruhanga, n'orikukugira ati: Mpa ekyokunywa; naiwe okaamushabire, nawe akuha amaizi agarimu amagara.

Kwonka Yesu abagira ati: Ebyokurya byangye n'okuhikiiriza ebi owantumire akunda, kandi n'okuhikiiriza omurimo gwe.

Ogwo mukazi amugarukamu ati: Mbwenu shi, k'otaine ky'okutahisa, n'eiziba ka ni riraingwa; mbwenu ago maizi garimu amagara noija kugaiha hi?

Omukazi amugira ati: Nimmanya Mesiya, niwe Kristo, ku ari ow'okwija; ku ariija, aryatumanyisa byona. Yesu amugira ati: Manya, niinye orikugamba naiwe.

Nimwije mureebe omuntu owangambira byona ebi naakozire. T'akaaba Kristo?