Popular Bible Verses from Kut 37

Share

Mbwenu Yosefu akaroota ekirooto. Ku yaakigambiire bakuru be baayongyera kumwanga.

Reero Isiraeli akaba akunda Yosefu okukira abandi baana be boona, ahabw'okuba akaba ari omutabani ou yaazaire yaabaire omugurusi; atyo yaamubaziiriza ekanzu y'emikono miraingwa.

Kwonka bakuru be ku baareebire ishebo naamukunda okukira beene ishe boona, baamwanga, baaguma batarikugamba gye nawe.

Bwanyima akaroota ekindi kirooto, yaakigambira bakuru be, ati: Reeba ndootsire ekindi kirooto; naareeba eizooba n'okwezi n'enyonyoozi ikumi n'emwe nibintangirira.

Bakuru be batyo baamugirira eihari; kwonka ishe yaaguma naijuka ekyo ekyagambwa.

Manya akabagira ati: Nimuhurire ekirooto ki ndootsire. Ku tubaire nituboha emiba y'engano omu musiri, omuba ogwangye gwaimuka gwayemerera burunga. Reero emiba eyaanyu yaayemerera egwehinguririize, yainikira omuba ogwangye emitwe.

Mbwenu nimwije tumwite, tumunagye omu kiina kimwe ahari ebi, haza twije tugire tuti enyamaishwa engoora-nyama emuriire; reero tureebe ah'ebirooto bye biraaherere.

Ago magingo abashuubuzi Abamidiyani ku baizire nibarabaho, banu baatuuhuurayo Yosefu baamwiha omu kiina, baamuguza Abaishimaeli empiiha z'efeeza makumi abiri; na bari baamutwara Misiri.

Baagambirana bati: Ngugwo ruroota yaija.

Kwonka ku baamureebeire hare atakabahikire, baamugiira omu naama y'okumwita.

Reubeeni yaabagira ati: Nyaabura 'mwe mutasheesha eshagama. Mumunagye omuri eki kiina ekiri aha omu ihamba, kwonka mutamukozaho orukumu. Ekyo akakigamba ngu abone kumubakiza n'okumugarurira ishe.