Popular Bible Verses from Kut 32

Share

Nawe amugira ati: Eiziina ryawe tokyeetwa Yakobo, kureka Isiraeli, ahabw'okuba ofukaine na Ruhanga n'abantu, kandi waasinga.

Bwanyima ogwo mushaija yaagira ati: Ndekura ngyende, ahabw'okuba bwataagurukana. Kwonka Yakobo amugira ati: Tindikwija kukureka okagyenda waaba otampaire omugisha.

Kwonka Yakobo we yaatsigarayo wenka, haza omushaija yaafukaana nawe bwarugaho bwataagurukana.

Yakobo nikwo kweta omwanya ogwo eiziina Penieli, naagira ati: Ahabw'okuba nyereebaniire na Ruhanga, haza tinaafa.

Ogwo mushaija ku yaareebire yaaremana na Yakobo, yaamuteera aha izinio; eigufa ry'enyugunyu ryateruka naakifukaana nawe.

N'onu amubuuza ati: Eiziina ryawe ori oha? Onu ati: Ndi Yakobo.

Yakobo nawe nikwo kumushaba ati: Naakweshengyereza, ngambira eiziina ryawe. Onu ati: N'ombuuriza ki eiziina ryangye? Atyo amuheera aho omugisha.

nyowe omuheereza waawe tinshemereire n'akakye rukundo yaawe yoona etahararuka n'obwesigwa bwawe bwona ebi waanyorekire. Manya nkambuka Yorudaani egi, nyine enkoni yangye yonka, mbwenu reeba ndugirwemu ebimbuuro bibiri.

Nikyo okuhitsya hati Abaisiraeli batariira nyama y'embura butuuro, ahabw'okuba ogwo mushaija akateera Yakobo aha izinio.

Mpaho Yakobo ashaba ati: Ai Ruhanga wa tatenkuru Aburahamu, Ruhanga wa tata Isaaka, Iwe Nyakubaho owangizire oti: Garuka omu nsi y'owaanyu omuri beene waanyu, kandi oti ndyakugira gye

Naakweshengyereza onkize mukuru wangye Esau, ahabw'okuba nimmutiina, atakaija akatwita twena n'abaana na baanyinabo.