Popular Bible Verses from Luka 18

Share

Yesu dzəktəna araja a ɗa kutə wuran a dzaɗilhətan gəni ɗá hadzəl bə zhek aride a gə maduwa ba kəla mandaɗay, gha a sərte gəna de kini.

I ni, Askwaf ǎ vərtəna bə jire tsəre a ɗa gə wuran dzadzarəktənede, ɗa yimke ala a ma ene de, luvaɗ luvaɗ ba, lapas lapas bə saŋa aba apə yakwa yakwa ka he? Na əŋ dzakuna: Ǎ vərtən jire tsəre aba apə yakwa yakwa ka. I mà, abə Kine ɗu səlammərzheŋ ǎ mbəɗiŋa mà, ǎ nay ɗəma a nzə ɗa gə ɗa ɗəfəkpənŋa apə higay‑a he?»

Wuran ane zləmkənhətənaŋa, wa: «Igə gɨkiya ba a ma ɗa səlammərzheŋ de ga, a ma s'Askwaf de gɨkiya.»

Ɗu nda sheriya sahan kəraka, ha həhənaka ba duna. Adede a ahan ga, takənmandar‑a a dzaɗiya a ŋa ene de, wa: “Gha əŋ ɗəfa bə mbəray apə Askwaf‑a, lambe hwa niba apə ɗaha ka kini, amá wudəge hər saŋa kaɗuwakude həŋkale saŋa ga, agwadza ba əŋ mbazləlhan jire tsəre ene a ɗu dawa ene sahan, gəni á tawaray bə cine a nəɗay a wushɗiw ŋa.”»

Na əŋ dzakuna ba jire, ɗu gə abə təvika bə gurɗay s'Askwaf ka i kine kutew ga, jukka bə ləɗide ede aride.»

Amá Yesu həktənakude ala a ma ene, dzəktəna a ɗa kutə wuran, wa: «Herɨntənde a wayə mishishina ɗá nay ala a ma hwa de, ghɨntənŋa ba. Aɗaba gurɗay s'Askwaf saŋa, ba i ɗa gə ka wutan.

Mezlene Yesu dzakəna, wa: «Aray hay aka ɗá pepemiya, ɗəfɗipənŋa aka zluwikina.»

Yesu zləmkənhənaŋa, wa: «Amnaya kə hanaw i ɗu sələmna saŋa? Ɗu sələmna s'iŋgeɗe niba, si ba s'Askwaf ɓile.