Popular Bible Verses from Sélimɛ 35

Share

A Kulocɛliɛ ń'nɛ̀ wi yɛ: «Mi wī Ŋɔri Ti Mìɛni Kulocɛliɛ wè. Ma sii ma niʔɛ ma kò kùpolo láà, ma puu siɛnfeliniʔɛyɛ. Kùlofɔlilɔ bé yiri muɔ nī. Kùlo náà mi yé kɛn Birayima mɛ́ wè nɛ́ Siaga mɛ́ wè, m'bé ni kɛn muɔ mɛ́ nɛ́ muɔ siimɛ báà pi bága pɛn muɔ kàduʔumɛ gè.»

Yé yɛ̀ weri waa Betɛli mɛ́ wè ! Kire tiʔɛ nī gè m'bé sa gbùʔɔrɔdiʔɛ káà faan Kulocɛliɛ mɛ́ wè, wire ŋáà wi 'lúʔu m'mɛ́ wè nɛ̀ mi sáʔa mi fùrɔgɔ lɛ̀lɛ nī lè, wire ŋáà wi 'puu nɛ́ mi ní wè mi tánʔana ni mìɛni lɛ̀lɛ nī lè koligo nɛ̄ gè.»

nɛ́ wi yɛ: «Muɔ míʔɛ ki yé puu Yakuba; píra ŋáà nī wè piyě ní de muɔ ye Yakubaʔ. Nɛ̀ láʔa pàngɛ nɛ̄ muɔ míʔɛ ki bé kò Isirayɛli.» Bà sí ki 'kpíʔile, a Kulocɛliɛ wi míʔɛ yiʔɛ gè nɛ wi ye Isirayɛli.

A Yakuba sí ki juu wi saʔa wuulo mɛ́ bèle, nɛ́ siɛnnɛ bílì pe 'puu nɛ́ wi ní wè, nɛ́ jo: «Ye‑ yeli yasunro ti mìɛni yige yìye sunʔɔmɔ nī, dàa ti 'kɔ̀n siɛnfeliye yáà mɛ́ yè ! Ye‑ yìye jíge ye mùnu, ye‑ burunuʔɔrɔ yige dè, yé buruciilide líɛ dè, ye le yìye nɛ̄ !

Kele gálì ke mìɛni kàduʔumɛ gè, a Kulocɛliɛ 'juu nɛ́ Yakuba ní wè nɛ́ jo: «Yɛ̀ mari waa Betɛli kàʔa mɛ́ gè, ma sa tɛ́ni baa kire tiʔɛ nī gè. Ma sí gbùʔɔrɔdiʔɛ káà faan baa Kulocɛliɛ mɛ́ wè, wire ŋáà wi 'wìi tìɛ muɔ nɛ̄ wè, lɛ̀lɛ líì nī muɔ 'puu nɛ fé muɔ luɔ Ezawu nɛ̄ wè.»

Bè Arasɛli yaʔa kùu koligo nɛ̄ gè, a wi 'wi jaa wi míʔɛ le gè nɛ wi yeri Bɛn Oni (ki kɔri wire wī: wuʔɔlɔ pùɔ). A pùɔ wi tuu 'wi míʔɛ yiʔɛ gè nɛ wi ye Bɛnzamɛ (ki kɔri wire wī: kàliige pùɔ).