Popular Bible Verses from Lukase 9

Share

Yěsô gÿo ńgɔɔn mbwo pʉ̀a metsèm ngie: Nyìŋ lɔɔn nge gwɔ́ wɔɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Nyìŋ gẅie à ge zɔɔn fa’a lépɔ́ɔn we légwɔ́, zɔɔ nyìŋ gẅie à ge pyé we le gwɔ́ ŋwɛ́, tá nyìŋ gẅie à pyě we le gwɔ́ mélà’ mɔ́ɔn, mbà wɛ̌ nyìŋ ge lá’ gwɔ́ wó.

Yěsô gɔɔn né yé ngie: Nyìŋ lɔɔn ńzye léjʉ́’ ngwóŋ, tá ḿbiŋ ne ńdíe nzèm, mbà à tè nyìŋ gẅie à ku’u léfa’a nà nò *lefùɔ Ssé wɔ́.

Mé lɔɔn ńzɔɔn ḿbú ńkaa njÿó yɔɔn ntsèm ńná né nyìŋ, tá á ké ńgwɔ́ gie e ge lɔg pɔ́ twó yé, mbà á ge kẅéte yé nà kɔ́?

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn, mbà *Míŋ Nyìŋ ge lá’ kú shʉ́ lélɔgɔ yé ńgÿo we nyìŋ á fʉ̀’ gie à ge lá’ piŋ nzèm lê legú’ we gẅie aa we Ssé tà mbɔɔ mecÿɔ́’ pé.

Yěsô tsɔ́’ɔ mbwo yé ngie: Membândum gẅiin membÿé lélyeen wó, meshʉ́ŋ piŋ ńgẅiin menkʉ̀a mɔ́b, tá’ *Míŋ Nyìŋ tè gẅiin jʉ’ gie ngwɔ́ á zẅɛte wó wɔ́.

ńgɔɔn mbwo *ngàŋa kwò yé ngie: Nyìŋ lɔg lezíŋ sɔ́ɔn, ńkúe mûɔ mémúɔ wɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà à tě ńkúe pɔ́ wɔ̀ɔn ndà’ wɔ́, à kúe pɔ́ nyìŋ gẅie à la túmo wɔ̀ɔn. Pi zsé mboŋó ngie nyìŋ gẅie aa tsetsɛ̀ɛ pi à tè nyɛ nnɛ́ wɔ́ zɔɔ kwà’ ndÿò