Popular Bible Verses from 1 Piɛ 2

Share

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe. Á gwɔ́ ngie pi laa tsɔ́ fʉ̀’ ńgwáa ḿbúu pá’ *menjʉ̀njÿò mie é fʉ̌a mánzsè. Tá’ pi kéen ńké ḿbiŋ nzèm, ńcʉ́me nzèm nyìŋ gẅie à ne ńdíe gẅí, yé zɔ̌ ne ḿbyɛ́bɛ gẅí.

Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

Meshǔ pɔ́ɔn pé tʉ nzẅìŋ, pi ee ndùmo ssé tsetsá’ jʉ’ɔɔn ńgwɔ́ pɔ́ pà ncʉ̀anzsè, ńgíŋe ńgwɔ́ pɔ́ megʉ̀. Áa mmó gie á gÿo mèŋ n ne shwóŋó gẅi ngie tà pi zẅí’te mbùm gí gie e ne ńtsó gẅi légÿo mmó gie e ne ńkwoŋo, á nue ee pú’u, ne ńdÿɔ́’ɔ ntʉ́m gẅi lê ncù. !Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

Á poŋ ngie pi gí pie pi gẅiin kwà’ le gwɔ́, pi zẅíŋ, e Ssé lɔgɔ gẅi ńgÿo metóon, ńdɔg ńkwɛ́ ndá Zẅìge Ndʉalʉ̌a. Pi gwɔ́ tsɛ̀ɛ wó ńgwɔ́ pànuŋe pwɔ́’ pie Ssé la tsɔ́’, pie é ge cʉa nzèm Yěsô Kristo, é nuŋe pwɔ́’ gẅie é poŋ Ssé.

Pú’u la, pi lêen ńké ńgwá’ menò tepòŋ ntsèm, tà pi gíŋe fʉte pʉ̀a, tà pi gíŋe ńgwɔ́ pà nkwòŋ menÿɔ́g, tà pi gíŋe ńgẅiin kègɔ́’ ná shúm pʉ̀a, tà pi gíŋe ńzẅɛ́te nzèm pʉ̀a.

Pi sẅɛ’te nnɛ́ ńtó nê lejʉ́ŋ yé, yé zɔ náa kwà’ le gwɔ́. À lɔgɔ ńgwɔ́ tóon gẅie ŋwà’ne Ssé gɔɔn ngie pʉ̀a mesoŋ la gwá’, tá’ e Ssé kaŋa yé, á gwɔ́ mmó tʉ̀ nzẅìŋ mbwo yé.

Pi lɔgɔ mà gẅi ńgwɔ́ pá’ pʉ̀a pie mé ka kẅile wɔ́b ndá nkwɔɔn. Tá’, tà wɛ̌ légwɔ́ ké ńcʉ́’ʉ mbwo pi ńgwɔ́ nkǔɔ gie pi ge lɔg lÿoon menò tepòŋ. Pi lɔgɔ mà gẅi ńgwɔ́ pɔ́ menkwɔɔn pe yé Ssé.

Áa mmó gie e Ssé kwoŋ ngie pi gÿo, ńzsé ngie pi ge lɔgɔ légÿo nò mbòŋo, é jÿɔ́’ ncwò megʉ̀gʉ̀ pie pɔ́ lʉ’ʉ nò Ssé, pɔ́ le gíŋe shwóŋte ná pi wɔ́.