1
1 Jâŋ 4:18
Nouveau Testament en Ngienboum
Nkwòŋe vɔg tà ńgwɔ́ ssé, ecÿɔ’ mag. Nkwòŋe lɔɔn ńgwɔ́ tà tsɔ́ mmó té mǒ zág, é pyága lecÿɔ’, nyìŋ gwaa cÿɔ̀’, mbà à fʉ̌a nò tà ne ḿbɔ́gɔ. Pú’u la, nyìŋ lɔɔn ńcÿɔ’, mbà á lɔgɔ ńgwɔ́ ngie ammó nyé ńzága ná nkwòŋe gie à gẅiin.
Compare
Explore 1 Jâŋ 4:18
2
1 Jâŋ 4:4
Pi penkʉ́ pɔ́ɔn, pi ee nà gwǒŋo yé Ssé. Pi kéen ńdÿɔ́’ tà ńcʉa pà *ntsẅì nkʉ̀ Ssé pe cÿɔ̌ nò, mélà’mie a Zẅìge Ssé gie áa ná pi á pú ńtʉ ńcʉa ngàŋ mbù Kristo gẅie aa tsɛ̀ɛ njÿó.
Explore 1 Jâŋ 4:4
3
1 Jâŋ 4:19
Á gʉa ná peg, peg kwoŋo nyìŋ mesoŋ, á gwɔ́, mélà’mie e Ssé la vɔg ńkwoŋo wég.
Explore 1 Jâŋ 4:19
4
1 Jâŋ 4:7
Meshǔ pɔ́ɔn pe tʉ̀ nzẅìŋ, !pege gẅiin nkwòŋe tsetsɛ̀ɛ pege, á nue nkwòŋe fóo mbwo Ssé. Nyìŋ gẅie à gẅiin nkwòŋe aa míŋ Ssé, ńne ńzsé Ssé
Explore 1 Jâŋ 4:7
5
1 Jâŋ 4:8
Nyìŋ lɔɔn tè nyìŋ mesoŋ kwoŋ, mbà à nyě tè zsě Ssé, á nue e Ssé gẅiin pɔ́ nkwòŋe.
Explore 1 Jâŋ 4:8
6
1 Jâŋ 4:10
Nkwòŋe léen ńgwɔ́ pɔ́ pá’ɔɔn, pege zɔ la tè kwoŋ Ssé wɔ́, yé zɔ la kwoŋo wégè. À la kwoŋo wégè kwoŋ tà ńtúmo Míŋ we, á tó ńdɔgɔ twó yé ńnuŋe pwɔ́’ ńtí wégè, áa mmo gie á gÿo Ssé lege menò tepòŋ mégè.
Explore 1 Jâŋ 4:10
7
1 Jâŋ 4:11
Meshǔ pɔ́ɔn pe tʉ̀ nzẅìŋ, à lɔɔn ńgwɔ́ gie e Ssé la kwoŋo wégè pá’ɔɔn, mbà á ne ńzɛ́te ngie pege yégè gẅiin nkwòŋe tsetsɛ̀ɛ pege.
Explore 1 Jâŋ 4:11
8
1 Jâŋ 4:9
Anò gie Ssé la lɔg ńnyɛɛ wégè ngie à kwoŋo wégè à yɔɔn: À la túm ndà’ Míŋ we wémɔ’ɔ́ tsɛ̀ɛ njÿó ngie pege cʉa nzèm yé ńgwɔ́ wó.
Explore 1 Jâŋ 4:9
9
1 Jâŋ 4:20
Nyìŋ lɔɔn ńgɔɔn ngie à ne ńkwoŋo Ssé, ńgwɔ́ gɔɔn pú’u, ńne ḿbʉa fɛ́ we, mbà aa ngàŋa cÿɔ̌ nò. Á nue nyìŋ lɔɔn tè kwoŋo fɛ́ we gẅie à ne ńgyá yé wɔ́, á le ku’u lékwoŋ Ssé gẅie à tè ne ńgyá yé wɔ́ wɔ́.
Explore 1 Jâŋ 4:20
10
1 Jâŋ 4:15
Nyìŋ lɔɔn ńzẅíŋ ngie Yěsô aa Míŋ Ssé, mbà Ssé lǎ nnɛ́ nà ngàŋ, angàŋ gíŋe ńda yé nnɛ́ nà Ssé.
Explore 1 Jâŋ 4:15
11
1 Jâŋ 4:21
*Lepʉ̌ sie Kristo la ná né pege, e sɔɔn. Nyìŋ lɔɔn ńkwoŋ Ssé, á gíŋe ńkwoŋo fɛ́ we nyìŋ mesoŋ.
Explore 1 Jâŋ 4:21
12
1 Jâŋ 4:1-2
Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’. Ammó gie pi ge lɔg zsé Zẅìge gie á fóo mbwo Ssé à yɔɔn. Nyìŋ lɔɔn ńzẅíŋ ngie Yěsô Kristo la sele ńcʉ́’ʉ kwà’ nyìŋ mesoŋ, mbà ngàŋ gẅiin Zẅìge gie á fóo mbwo Ssé.
Explore 1 Jâŋ 4:1-2
13
1 Jâŋ 4:3
Tá nyìŋ lɔɔn ńké ńdʉ’ʉ lézẅíŋ ngie Yěsô Kristo la tó ńgwɔ́ nyìŋ mesoŋ, mbà ngàŋ tè gẅiin Zẅìge gie á fóo mbwo Ssé wɔ́, ayé Zẅìge áa gie á fóo mbwo ngàŋ mbù Kristo gẅie pi la jú’ mé gɔɔn ngie à ne ńtóo. À kěen ńké ńdá’ ńtó tà ńgwɔ́ tsɛ̀ɛ njÿó.
Explore 1 Jâŋ 4:3
Home
Bible
Plans
Videos