Popular Bible Verses from Za 12

Share

Wunë wuzolisi kun'salilë, naandi wufwenikini kun'daandë, boobo cisasi cyaami cim'ba fo miinu yikeeli. Tataami wun'tuunvi wunë wukun'salilë. »

Wunë wuzolisi luziingu lwaandi, wulënyambikini, kasi wunë wum'maangë kukangëmë mu buloongo be buubu, naandi wululuundë mu luziingu lu sakë yi sakë.

Licyelikë, licyelikë yilukaambë, ningë lungeenzë lu looso lusye bwa fë n'toto ko i kufwa, lwaawu lun'kalilë lumweekë. Kasi ningë lube fwa, lwaawu lun'vaanë mpaapë singeenzë.

Miinu yiyisë mu buloongo dedë mweekë cyeseesë, bwiinji wosuku wukun'teelë maanë wuleembu kukalë ku citoombi.

Ningë muutu be kuwu mëbuungu maami i naandi kum'maangë kumësalilë, miinu kuve yikun'vaanë lutabu, cibilë miinu yiyisilë mu kuvuuci mboongë baatu, yaaku ti mu kubëvaanë lutabu.

Maali wuboongë cibulikë ci yaafë bukaalu bëvangilë mu naalë. Naandi wudukulë mu maalu më Yeesu i wufyoonë mu mileenjyaandi. N'zo yooso yisë waalë yi fiimbu yi yaafë.

Bakë booso bëboongë sinjeenvu si mëba i bëbasikë ku livulë mu kwe n'dyengënë. Baawu bëlëlosukaangë : « Bumpumu ke Nzaambi! Biikë Nzaambi wusakumunë wunë wun'kwisilë mu lizinë li Fumu! Biikë Nzaambi wusakumunë n'tinu wu Islayeelë! »

Yeesu wusë bëvutulilë : « Zoolë yafwaanë yinë Mwaanë Muutu wufwenikini kuzanjiku mu bumpumu.