Popular Bible Verses from Juão 19

Share

Asui Jesus uu rire kua vinagri umbeu: —Hambauwana semuraki. Asui uxari iakanga uwari, asui ianga usuana ipira sui.

Asui arirewara Jesus ukuawa irumu umbawana panye imuraki, umbeu kuaye, aintaumpinimawaa yawe kuxima: —Tikangana sepia.

Asui Jesus umaa irumu imaya suaki kua umbuewaa ugustariwaa unyee ixupe: —Kunya, remaa nembira. Asui unyee umbuewaa supe arama: —Remaa kua nemaya. Asui nyã ura rire kua umbuewaa urasu imaya suka kiti.

Asui aintausika rame aintaumaa Jesus umanu asui tiaintaumpena setima. Asui yepe aintasuiwara kuaita suraraita ukutuka iarukanga rese lansa irumu asui usemu isui tuwi ii yuiri.

Yawe umunya, umunya arama kuaye Deus nyenga umbeuwaa yawe, tikuri aintaumpena yepe ikãwera. Deus nyenga umbeu yuiri, aintaumaa kuri kua aintaukutukawaa.

Asui aintaurasu Jesus, aete urasu ikurusa, aintaurasu ae amu kiti serawaa Kalvariu, ebrewita nyenga rupi serawaa Gulguta.

Asui kuaita suraraita aintaumuruda yuu suiwara ikurua aramawaa asui aintaumundeu iakanga rese ae, asui aintaumundeu ixupe ipupekawa pirangawaa.