Popular Bible Verses from Juão 16

Share

Hambeuwana penye arama kua nyenga tiarama maa rese peiku sepia upe. Pepurara kuri kua mundu upe, maa pexari suuri pepia nyãse hamuserana kua mundu.

Maa uri rame kuri kua Espiritu supiwa uxari kuri pekuawa panye nyenga supiwa, tikuri upurungita simutara, maa umbeu kuri kua usenduwaa, asui uxari kuri pekuawa sese kua uriwaa kuri.

Tire maa nungara pepurandu serera rupi, pepurandu asui periku kuri ae suuri arama kuri penye turusu piri.

Hambeu penye arama supiwa, harikute hasu pesui, tirame hasu pesui tikuri uri pepiri kua umusuuriwaa, maa hasu rame hamundu kuri penye arama ae. Uri rame kuri uxari kuri aintaukuawa aintauriku aintapekadu kuaita mundu puraita, uxari yuiri aintaukuawa sese kua purangawaa, uxari yuiri aintaukuawa aintaupurara kuri aintapekadu resewara.

Yawete yuiri penye kuiri sasiyara penye, maa hamaa yuiri kuri penye mukuĩsawa asuiwana kuri suuri pepia, asui tikuri awa upuderi uyuka pesui kua suurisawa. Nyã ara upe kuri nemaa pepurandu seirumu. Supiwa hambeu penye arama: —Sepaya uxari kuri penye arama maantu pepurandu irumu serera rupi.

Supiwa hambeu penye arama: —Peyaxiu kuri sasiyara kuri penye, maa suuri kuri kuaita mundu puraita. Sasiyara kuri penye asui kua sasiyarasawa uyutrukari suuri arama kuri penye.