Popular Bible Verses from Tiagu 3

Share

Maa kua ukuawasawa iwaka suiwara uxari ikiaimawaa yamanduarisawa, uxari timaarese yande, uxari timaa ipiaiwa yande, uxari yasendu ainta supe puranga, uxari pirasua yamaa amuita supe, uxari yamunya purangawaa, timaa uxari mukuĩ yamanduarisawa, timaa uxari retentuwaita yande.

Awa ukuawa pepiterupi, urikute umukame yamaa umunyawaita purangawaita ukuawasawa tiwa ipiaiwasawa irumu.

Ainta supe arama kua iya puranga aintauyutima timaarese.

Kuaita umuasiwaita aintapia upe, kuaita uputariwaita uyumusuuri aintapawa, aintauriku yuiri kuri puxuwerawa aintapia upe, aintaumunya panye puxuwerawa.

Yaneapeku irumu yamee purangawaa yaneruixawa supe, yanepaya supe yuiri, irumute yuiri yambeu puxi aintarese kuaita apigawaita kuaita Deus umunyawaita iyawe. Yepenyu yaneyuru sui yamusemu nyenga purangawaa, nyenga puxuwerawa yuiri. Semuita tipuranga yamunya yawe.

Asui tata kua yaneapeku. Kua yaneapeku uiku yanepira rakanga piterupi kuaye mundu puxuwerawa yawe, umuaiwa panye yanepira, umundeka panye kua yanepira uputariwaa umunya, kua infernu umundeka yaneapeku.

Tiawa aintasuiwara kuaita apigawaita upuderi umunyaruima kua iapeku, tiupuderi timaarese ae, teresemu ae venenu irumu.

Semuita, tepexari siya kuaita umbuesaraita pesuiwaraita, nyãse pekuawate Deus kuri umbeu kirimbawa piri yaneresewara yande umbuesaraita aintasui kuaita amuita.