Popular Bible Verses from Tiagu 1

Share

Semuita, puxuwerawa uri rame pepiri peiku kuri suuri, Nyãse pekuawate pepurara rame sesewara kua peruyariwaa peiku kuri santa inyenga rese.

Tirame yepe pesuiwara ukuawa, urikute upurandu Deus irumu kua uxariwaa ainta supe panye kua aintaupuranduwaa irumu, timaa usaisu aintasui ae, asui uxari kuri ixupe ae.

Ape penye semuita hagustariwaita, haputari pekuawa puranga kua nyenga. Aintausendu arama kutara panye kuaita apigawaita, tiaintaupurungita arama kutara, tiaintapiaiwa kutara yuiri.

Ape perikute peiku puranga peiku resewara santa inyenga rese, periku arama pemanduarisawa purangawaa supiwa, tiarama maa watari penye arama.

Pemunya kuaye inyenga umbeuwaa yawe, yawaite maa peruyari retentuwaa, yawaite peyuganani penyepawate.

Suuriwaa kuri kua apigawa uaguentariwaa puxi uri rame sese, nyãse uiku rame santa puxi uri rame sese uriku kuri kua kurua upakawaa Deus uxariwaa kuri ainta supe kuaita ugustariwaita ae.

Iwaka suiwara panye kua purangawaa uxariwaa yande arama kua yanepaya uikuwaa murutingawaa upe, kua tiwa upuderi utrukari umanduarisawa nẽ kuaira.

Nyãse kua usenduwaa retentu kua nyenga tiwa umunya ae, iyawe ae kua umaawaa suwa waruwa upe; Nyãse uyumaa aepawa, asui usu isui asui anyunte sesarai isui kua umaawaa.

Yaputari rame yamunya puranga yanepia ikiaimawaa irumu umaa kua yanepaya Deus, yarikute yamanduari kuaita ipayaimawaita, viuvaita yuiri aintaupurara rame yumãsi, yarikute yamukaturu yuiri yanepia ikiaimawaa kua mundu sui.

Yurupari uputari rame uganani yepe umunya arama puxi, tiupuderi umbeu: —Deus uganani ixe hamunya arama puxi. Nyãse tiawa upuderi uganani Deus umunya arama puxi, tiyuiri uganani amu umunya arama puxi. Nyãse muiri kuaita miraita Yurupari uputari uganani ainta aintaumunya arama puxi aintauputari irumu aintaumunya kuaye aintapira uputariwaa yawe.

Kua yanemu pirasuawaa urikute uyumusuuri sese kua urikuwaa purangawaa.