Popular Bible Verses from Luka 8

Share

Paturu iri sorue go pua velaka ne i gere qira to ria iri gata go Tarama Velaka ia God, mana iri soti va velaka ze puṉu qira, go za doka so ṉalu iza ure go.”

Paturu ro i soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne, iki ure kaega de iri koego.

Paturu ni sorue pua ni koe ipaka ne, i gere qira to ria iri gata go seko ia God, mana iri kula ne, do iki lete zunu za kaega loborona nanao qira, iri vaogoto zaqe so kaki tora na. Do ṉalu pada i lama e, de iri koego, iriki nanao vamazale to kaega seko ia Batu ne.

Goto nae i sine ne qira disipoloro ia, “Ade to vaogoto ramu?” Do iri lete nureke mana sareki go, mana iri vari sine ne, “Akena tane valeke dena? I teke tamana qira sokoro, oba mana iri vaogote ia.”

Keni sorue go zuka ne, ria to basoero iri gata go seko ia God do ṉalu i lama Satana, i lama pala vakuziki ne ze puṉuqira, go tariniki vaogoto mana za kavele go kaega.

Kapata iko pipika go, taramuzina tinara lamae de tatavata. Pataro iri takuma pika go tinara sadaka me, go basoero ne tarina ara rove go.

Qole ne i rove ni siba go ia, i nenedere, i lama sorue makena Jesu mana i sine vasadaka ze tarakenaqa qira basoero ne, avigo tane ni siba go, mana de go ni malia ne go mokoso ia go. Jesu i sine ne ia, “Sale qole era vaogoto aro iva velaki go, za loborona dalo mana kasi ara maqata napu.”

Disipoloro ne iri lete sareki mana iri za va dogare Jesu, “Batu! Batu!” iri go, “Ita qata garogaro to vele le.” Do Jesu i degere mana i sine ne sokoro mana oba go mara bule, mana i bule to go.