Popular Bible Verses from Luka 14

Share

“Ṉalu ka basoe i lamae de qa koego era, do mamaligara ia iara koe de koego tamana, sinana, qole ia, salero ia, kaena ro mana vavanina ro mana too ia tanuna i sivale ne deqa koe go era basoe nae iki disipolo era kaega.

Ṉalu ka basoe i soko luluava era, do iki vagore kaega koluse ia gogo ne, basoe nae iki disipolo era kaega go.

Gerena napu so basoe ni vazaka go tanuna, God tina va qoqore, mana basoe niva qoqore go tanuna, God tina va zakazaka.”

Gerena napu so ramu,” igo Jesu, “kaega kaki kameka ramu tina disipolo era ṉalu iki tarua kaega pataro i toṉove go.”

Ṉalu kakia basoe i soko go zazu ne na pade, pata kenaqa ia tina koloku mana zazu ne tekere volina pade ne. Avigo itora kesa ia go tina valupo go pade ia, ba kaega. Tanego ṉalu iki zazu ne kaega pataro nae, pata volomo iva degere go pade ia, do tiniki valupo kaega. Gonae basoero ne tarina karia ia. ‘Valeke dena iva degere pade, do i makure valupo na zazu ia tarina vane.’

Iago, ṉalu qo zazu ne pata gege, ono koru qira vano situ, vano eqoqo, vano taveqo mana vano kodo. Aro tono pala makaolo, tanego ria tina makuru qira soka vaule nigo, do God tina soka vaule nigo aro ṉalu basoero velaka tarina too napu mego tepa le ne.”

Jesu igo, “Keno i pata velaka do ṉalu i lupo go gagaemanana i kaega ka pata tina va velaka napua go. Iago, iki mazala kaega va velaka na pua, ba vou palu ze vosuvosu go tina va velake go pua, ne, iago i tora so vanaqe na. Ramu izari qeqele qamu muna gata velake!”