Popular Bible Verses from MAADOCO 16

Share

Töwö cönä’döaacä chäwwäiñe: —Ojoncomo’de tameedä nono weichö wa’cä. Aashichaato wätunnä ecammajä’täcä’de tameedä soto wwäiñe.

Edääje na’de täneemö ecaanö’nnamo ene’ju’to’como: Tönwanno odo’sha nija’canö’jaato’de öwö yeetö joi. Anejja a’deucwe na’deuwaato’de. Äcääyu annä’a’jäcä, jönaatamoi enga’jäcä jeiñe mma, ääma’da naato’de. Tönwanno tamäädöcoomo nödööaato’de cädäija’como de’cäcäiñe; ñanno naadoncaato’de yaawä; quee cönä’döaacä Jesuuquidiito tönoowanoomadö wwäiñe.

Ñäädä ecaanö’nei, wautisaaje yä’dödö, nääwanaaca’de. Aneecanö’jönö mmaane nännanö’a’de.

Ñanno ñoowanoomadö cöntonto yaawä, tameedä yeichö wa’cä aashichaato wätunnä cöneecammajäätöicho. Cädhaajotoncomo Jesuuquidiito dea töni’wa’täiñe cönä’jaacä. Ta’deddu töneene’ju’jo töweiye cönä’jaacä täneemö aashichaato que. Amén.

Ñäädä ääjömaanö cönä’döaacä chäwwäiñe: —Määcatoncatäi. Änwanno mujiiyato Jesuuquidiito, Naasade ñano, ñäädä cuduusa jäcä yaatajoijojo’jödö. Töwö töwaadonca na; a’que na sadä. Eneetäcä’ma chääquejöödö iiñö’jocoomo naadö.

Yaawä äwa döiña töwä’döa’comjäcä yää täju adai’joto täseeca cöneedantoicho. Äwa aca töwoomonga’comjäcä yäätä ääjömaanö cöneedantoicho shuucu, ämu’demjönö dö’se. Nuwaato awä cönä’jaacä, tajääde’de. Jooje cönääcatoncaicho yaawä.