Popular Bible Verses from DUUCA 8

Share

Yää dhadöödö aashichaato nono de’wä cönä’meichö mmaane, chäänönge tötö’tajäätödööcomo que Wanaadi a’deddu etannamo cu’tädö yää. Ñanno chö’taqueejö’da netaato, yoije tönnöe yaawä. Chäänönge töweichöcoomo que nejössataato yaawä.

Yää dhadöödö wesooca ’jano de’wä cönä’meichö ’quene, Wanaadi a’deddu etannamo’jödö cu’tädö yää. Yääje töweichöcoomo jonno edä nono de’wono jummadö que nätääwansuudäjaato yaawä, mösooma ijummadö que mmaja. Ejössata’da tönwanno yaawä.

Yää dhadöödö toojajaato de’wä cönä’meichö mmaane, ñanno ta’cwaiñe Wanaadi a’deddu etannamo cu’tädö yää. Tömiiche’daane tönwanno. A’dhe mma necaanö’aato; wä’yunaacajoonä cu’nädö awä ne’nomjaato yaawä.

Yaawä Jesuuquidiito cönä’döaacä tönoowanoomadö wwäiñe: —¿Aaquene aneecamjö’da maato dea? quee. Tönwanno tösaade cönä’ja’to jooje, töwääcatonca mmaja. Tönwannoje dea cöna’deujä’a’to; cönä’döa’to: —¿Änääcöömääne määdhä. Jejeichä dha’deddu töneeta, tuna mmaja? quee.

Yää ääma taawä cönä’meichö, Wanaadi a’deddu etannamo cu’tädö yää. Odo’sha ne’a yaawä; Wanaadi a’deddu etaajä chö’tajäätödö jäconno nichö’taque’ja yaawä, chäwwäiñe ecamjödö queiñe, yääwanaacadööcomo queiñe.

Tameedä etoone’taajä töwääcatu’nacaamöje na. Tameedä tacaademjönö töweecataamöje na dea, owaanäcä töwä’döeemöje mmaja.

Tacaade’da eijai’cha tötö’ta’jäcä, ñäädä wodi cöneejä Jesuuquidiito wwadäädä, tötäätä’nöngancädä. Tä’mudhe cönä’döi yo’wawä. Töwö cönääcammai yaawä tameedä soto netaadöcoomoje töwääjichö’totoojoje ajoojo’jödö töwwä; töwääjichö’tä’jödö mmaja cöneecammai chea. Yaawä Jesuuquidiito cönä’döaacä chäwwä: —Äwwä ecamjödö weijäcä maadoncai, wodi’chä. Täncanoode’da äjääne eduuwa; quee cönä’döaacä.

Tönwanno Jesuuquidiito cönemjacaicho yaawä; cönä’döa’to: —Owaanomaanei, cönnadöödöcoomo dajaane mädä. Töwö cönammöi yaawä; jejeichä cöneedennanö’joi, madaataca mmaja. Jejeichä cöneedennai yaawä. Tameedä unque’da cönä’jaacä yaawä.