Popular Bible Verses from DUUCA 14

Share

—Ñäädä jaadä töwei’shato, tumö ämjumma’da yeiya’jäcä, senö mmaja, töjiiñamo mmaja, tönnacoomo mmaja, tacontomo mmaja, tuduichomo mmaja, töjaadui’chomo mmaja, töweichö jadä’jödöödö ämjumma’da yeiya’jäcä, ñäädä noowanoomadööje eijai’cha na.

Ñäädä jaadä töweichö wetä öwö jääcäinchädä äntunaanö’jaichojöönö, cuduusa jäcä äämajaichojöönö mmaja, noowanoomadööje eijai’cha na.

Ñäädä o’jodhaato tö’tajäätödö dho’noncomooje nä’döja’de. Ñäädä dho’noncomo tö’tajäätödö o’jodhe nä’döja’de; quee cönä’döaacä Jesuuquidiito.

Mädääje mmaja änwanno, ñäädä tameedä töwwä naadö änsancwajöönö, öwö noowanoomadööje eijai’cha na.

Ämmai amä’se aweiya’jäcä naadö naane’ ¿amootojo täje yeichö ämme’cu’tä’da ca eijai manä awa’de, chääwa’cä yeichö eneedö wetä ajöödatai? Dha’da ’quene, tajäntä mma ajänta’jäcä äwwä, acoichajai’cha aweichaame, tameedä enennamo adhenno’jä’jai ñaato yaawä, edääje töwä’döancädäiñe: “Määdhä amäädö cönaajäntäi, acoichajai’cha töweichaame;” quee töwä’döancädäiñe.

Edääjeene eichä’de awaajä’madaawä; wentumja’comoone ana’dejjacooto’de, cädäija’como mmaja, secumja’como mmaja, tänuuquemjöncomo mmaja. Yaawä ta’cwaiñe eijai ma, ñanno adheejemaajai’cha yeichomjäcä. Yaawä jeene määjemaaja’de, chäänönga’como waadoncato’como awä jeene; quee cönä’döaacä Jesuuquidiito.

“Aashicha saayu töweiye nai. Yaawääne’, dha’cwötöödö wataamea’jäcä, ¿aaquene ma’cwötöömaiye yaawä? Nono aca tödööemje’da na, wecaatojo aca tödööemje’da mmaja. Töja’emje mma na yaawä. Eta’sato neta’ñojo; quee cönä’döaacä Jesuuquidiito.