Popular Bible Verses from DUUCA 11

Share

Änwanno cone’da aweichaameiñe odhoowanääcäiñe aashichaato utuudu ännacontoncomo wwä. Töwaacö’je Oomontoncomo caju ñano Epíiditu Santo u’jai ña töwwä e’ca’nei wwä; quee cönä’döaacä Jesuuquidiito.

Yääje yeijäcä yääje wä’döa äwwäiñe: Ane’ca’täcä, äwwäiñe Wanaadi äntuiye; anuujichääcä, maneedantätäiye; a’dejjatääcä, mönaatata äwwäiñe ata’deucaiye.

Ñäädä e’ca’nei wwä töwä’tue töweiye nai, ujiiñei wwä töwäädantojo, a’dejjanei wwä mönaatata töwaata’duca.

Jesuuquidiito cönä’döaacä chäwwäiñe: —Awa’deuwödaawäiñe edääje caichäcä’de: Jaaja caju ñano, Töwaanadiiyöcoomoje adhe’tä’ña’to soto; töcaajichaanaichomooje ayöödö’ña’to. Ämjummadö woije nödö’ña’to edä nono de’woncomo, caju ñancomo tönnöe weneenetoodöje mmaja.

Ñaa cone’nadiiyö encwanno’jocä, ñaa mmaja tameedä töjääcä conemjönö tödöödö tönencwanno’jo ñaa weneenedööje mmaja. Ñaa mäiñunaacajoi’che; tösancwajoone ñaa sancwajoocä conemjönö jonno; quee caichäcä’de; quee cönä’döaaca Jesuuquidiito.

Ñaa ewanshiñö änu’cä edä anootoi’chädö awä.

Soto enuudu na yeichö dhawaadöje. Aashicha adheenudu yeichawä aweijotä yaawä. Yaawääne’ adheenudu cone’da yeiya’jäcä, tööjano’taca ma amäädä yaawä.

“Tödhaawadö tönemjannädö aneetone’tä’da weiñä nai, wöwa aca aneewötö’tä’da mmaja. Dha’täi ye’wääne tödöödö, tameedä iiñancomo womoomödö wwä tawaane eiye.