Popular Bible Verses from Lucas 6

Share

’Täbä da dobäje —a cuma—. Wama bä dobäö ja, inaja showawä cafä wamacö nia dobämamou cuo mö feduo. ¡Bejedi lä wamacö nia dobämamou! Fe lajowä wama täbä fa mönö, ¡wamacö nia fejeleo! Ai wama bä dobäö lä cuaaö weinaja, inaja showawä cafä wamacö nia dobämamou cuo mö feduo —a cuma.

’A lä dodijaö wei a wa̦ faö däjä, bei bufi jamö tä dodijidawä lä didile etä a̦ nia wawäblou —a cuma—. Inaja showawä, wa̦lidiwä talewä a lä cui a wa̦ faö däjä, bei bufi jamö tä wa̦lidiwä lä didile etä a̦ nia ca̦i wa̦lidiwä wawäblou mö feduo. ¿Ö̦jö tawä? Bei täbä bufi jamö tä lä didile etä a̦ shino malä wawäblou wei.

’Ö̦jö ma cui, abinaja bä yai da cuaa —a cuma—. Wamacö nofi lä wa̦libou wejei bä lä cui wama bä fa nofimanö, bä da bayeliblaje. Tä nowa nia lä co̦amaö wejei tä ja, wamacö mölaö mlai ja, madofifä no mlai ja bä da majöaje. Ö̦jö lä däjä Yai Bada nija wamacö nia yai dobämou. Inaja wa lä cuaaö wei tänö, Yai Bada tä Bada lä ayai wama ecö ijilubö nia dablamou dodijio. ¿Ö̦jö tawä? Cama Yai Bada nija bä bufi a̦fa doblalou wäyämou ma mlai ma cui, bä doblou ma mlai ma cui, dodijidawä bä bayeliblaö fe malä yadio wei.

Ma. Faafä Yai Bada a lä culadi a bufi asio lä culenaja, wamacö cuo mö feduobä wama ecö —Jesús a cuma.

Abinaja Jesúsnö bä nowa tama. —Yanowamö bä dobloimi jöma dijejä. Ö̦jö däjä, cafä wamacö ma cui Yai Bada tänö wamacö nia jömaimi. Bä ca̦i wai dijejä. Cafä wamacönö wama bä waiimi ja, inaja showawä cafä wamacö nia waimamoimi cuo mö feduo. Bä doblou lä mlai bä nija tä nowa ca̦i tabo dijejä. Ai bä nija wama tä nowa taboimi ja, inaja showawä cafä wamacö nija tä nowa nia cuomi.

Abinaja Jesús a cuma. —Wamale a̦ lä ji̦liaö wei wamacö nija, abinaja ya cuu. Wamacö nofi lä wa̦libou wejei bä ma cui, bä da nofimaje. Wamacö nofi ma wa̦libou wejei ma cui, bä da bayeliblaje. Wamacö lä wafäblaö wejei bä ma cui, Yai Bada nija bä da bayelimaje. Wamacö nö lä bleaamaö wejei bä ma cui, bä nö bayeli da nacaje.

¿Ö̦jö tawä? Ai täbä nija cafä wamacö nofimamou bufi lä doblao weinaja, inaja showawä, ai wama täbä yai nofimaö cuobä.

Bei wa mamoca baiaö ja, wa nö yuo mlai, ai mamoca mashi lädou da co̦lo. Inaja showawä, afä wa cö lä feyacabole cäcö däaö dicoo ja, wa cö lä u̦eshibou wei cäcö ma cui, cäcö noshi umabo dijä. Cafä nija bä lä nacou wei, bä bluca da dobälö. Madofifä a lä däafälöö wei nija a nacaö codaa dijä.

Abinaja Jesús a cuma. —Fii fibä lä dodijidai fibä jamö, nii wa̦lidiwä bä nia laloimi. ¿Ö̦jö tawä? Fii wa̦lidii fibä ma cui jamö, nii dodijidawä bä nö ca̦i lalobimi mö feduwä.

Täbä nii lä lalou wei täbä ja, defibä nö malä ö̦jöböamou wei. ¿Ö̦jö tawä? Mösöcö bä jamö nii bä jucamou dao malä mlai. Ico bä ma cui, uba bä ma cui, ö̦jamö lä bä nia yädäomi.