Popular Bible Verses from Juan 7

Share

Camiyä wale a̦ bejedi lä bufii wejei bä lä cui, bei bä bufi jamö, ba̦limiblamamodima u fa bäda bädamonö u nia caläö cuaaö, Yai Bada etä a̦ lä cuu weinaja showawä —a cuma.

Bä iyaö waicou lä bufiono wei däjä, bä yai co̦camobä jamö, Jesús wawädowä a ubladaliyoma. A fa ubladalunö, a wa̦ i̦cali faö ja, abinaja a cuma. —Ai bä amishaö bädao ja, camiyä nija bä yai fa icubonö, bä amishi co̦oyolubä.

¿Ö̦jö tawä? Cama a wa̦ bejedi lä bufii wejei bä lä cui nija, Yai Bada tä Bufi nia lä jöböamou wei tä a̦fa yai tama. Fedu jamö a doblaodayobä a ösönomi showao yalo, a Bufi jöböamou showaono malä mlai.

Wama täbä jömaö däjä, bä bufi yai da dayäo. Wamacö bejedimolanö bä yai jömaö da cadidioje. Inaja tä mömou cuwä ma cui, wamacö bufi nia lobe cuu jaödaomi —bä nowa tama.

Cama bä bufi cuu lä bädao weinaja tä a̦ lä wäyäö wejei bä lä cui, cama bä a̦fa dodijidawä nia fa tamamonö bä a̦ li bädawä. Ö̦jö ma cui, a lä shömöleno wei a nö nia dodijidawä lä ö̦jöböamaö wei a lä cui, ö̦jö a shino yai bejedimou. A jolemou daomi.

Ö̦jö däjä, abinaja Jesúsnö bä nowa tama. —Ya tä a̦ lä wäyäö wei, camiyä ya wa̦ bädawämi. Wale lä shömöleno wei, ö̦jö lä ya wa̦no li wäyäö.

Yanowamö bänö cafä wamacö nofi wa̦libou dao ma mlajei ma cui, camiyänö ya täbä a̦fa dobloimi wäyäö yalo, wale nofi yai li wa̦libouje.