Popular Bible Verses from Génesis 9

Share

Abinaja Yai Bada a cuu co̦oma. —Bei. Cafä wamacö ma cui, yalo wama bä ca̦i lä cule bä ma cui, bämacö nia bluca lä bayelibou wei, ya wa̦ nö wäo lä cufe. Ya wa̦ nö lä wäicufe, showadi tä nia cuo shi wa̦lii. Wamale a̦ nofi jaducubobä, ölajashi a jamö ya täcö shi̦i nia taaö. Ei bämacö nowa lä tafe wama tä a̦ nofi jaducubobä, ya täcö shi̦i shadiamaö wä.

Ölajashi a jamö, täcö shi̦i wawäblou däjä, ya täcö shi̦i nia möö. Ö̦jö däjä, ya wa̦ nö lä wäicufe tä ja, ya bufi nia jaducuo, bämacö nia lä bayelibou wei tä ja. Bita jamö wamacö bluca lä cublai, bämacö nia bayelibou shi wa̦lii —a cuma.

Yanowamö anö ai a shäö dicoo ja, yanowamö täbä nija cama a nia shämou nomöjöo. Camiyä Yai Bada ya lä culenaja a cuwä, ya yanowamö malä tablaleno wei.

Ö̦jö däjä, Yai Bada tänö Noewä ebä balamaö bufima. Abinaja bä nowa tama. —Bei. Wamacö ijilubö fa lalonö, bä da balalö. Jödödöwä tä jamö wamacö bälöjou cuaabä.

Bä bluca lä juu wei bä ja, bämacö dobäö lä cule, wamacö naiqui waobä. ’Bä bluca lä cauu wei ya sibä jaba jöbäö lä cuaano weinaja, fei däjä yalo bä ma cui, ya bä jöbäö nomöjöa lä cule. Afä bä bluca cuobä.

Yalo bä bluca lä cuinö, showadi wamacö nö quili tabeje, ya bä tablamaö a lä cule. Mashita jamö bä yalo lä juu wei bä ma cui, bä lä yäö wei bä ma cui, bä wajaquemi wai lä joleaö wei bä ma cui, modu u jamö bä bluca lä juu wei bä ma cui, cafä wamacö nija, ya bä nabä shömöaö a lä cule.

’Cafä wamacö lä cui, wamacö ijilubö fa lalonö, bä da balalö. Wamacö balaö fa nodiablalofälönö, jödödöwä tä jamö wamacö bälöjou cuaabä —a cuma.