Popular Bible Verses from Aiseya 45

Share

Dukia kukan yukukan nani ba man ra maikamni, yuyaka yukuwan ra main kaiki bri ba sin, baku man kaikaia sip kama yang sika Dawan sna, Israel Gâdka, ninam mâki mai win ba.

“Yang lika man kainamra wamni, kutban purara ba batakamna, bras durka nani ba krikamni, ayan ni kutbanka nani ba kriki yuya man daukamni.

Yang sika Dawan, bara kau wala âpu sa, yang tnaiya ra Gâd wala âpu sa. Yang ridi mai daukri aiklabaia dukiara, man kau ai kakaira apia sma sakuna, yu baiwi ulanka ba wina, witin nani ai kaikbia dukiara, bara yu dimi ba kat sin, wala âpu sa yang wal baku ba. Yang sika Dawan, wala âpu sa yang wal kau kainira ba.

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Man nani, yang ra bal bara swaki mai sakamna, tawan tasba wala wina. Kan yang na Gâd sna, bara wala âpu sa.

Dawan mita Ciro ra batana laikan, king baku, mihta wina alkan bara yan nisan nani ra taibaia lâka, bara king nani war aiklabia dukia sut bri ba mihta dakbia. Dawan ba daukan baku takaia, Ciro kainara tawan getka ba param kabia upla kumi sin sip prakras kabia. Bara nanara wisa

Yang nini mâki swer takri ba, yang bîli dîa takan ba pura luan lâka ra bara baha ba kli ai ninara tawbia apia: lula nani sut ba yang ra ai lula krikan kabia, bara twisa bani sin swer takbia.

Duki dadaukra Jekob latwanka lâka ba dukiara, bara Israel sin yang bâk sakri ba, ninam kat mâki mai winri; bara ninam wala sin mâkri man ra mai kulkaia, man ba ai kakaira apia sma sakuna.