Popular Bible Verses from Aiseya 42

Share

“Yang, Dawan, mai paiwri bara mihtam wina mai alkri, man ba upla swaki sakaia dukia kaia; yang mai paskri, yang want sna man baku kaia, yang lâika upla wal daukri ba sainka kaia, nisan nani ingnika. Yang want sna nakra yama nakras nani ra bara silak uplika nani silak watla wina sâkma, tihmia tara tilara iwi ba.

Yang sika Dawan, baha ba yang nini sa, bara yang praina ba upla wala ra yabamna apia. Bara aidul nani ra sin sip mayunras yang sirki ra.

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Yauhrus lâwan ba witin mita krikbia apia, lamp wîkka daswaia kiasma taki ba sin, daskbia apia. Wapni lâka daukanka ba kasakka lâka ba sin bri balbia. Witin ris bribia apia, dring sin swapbia apia, tasba ra kasakka lâka ba bapbia ba kat; kabu un ra iwi nani ba, man lâmka ba bîla kaiki kabia.”

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Kaiks nahki bal aimakan ba diara nani kanra aisari nani kata ba. Bara nanara diara raya nani takaia ba dukiara aisaisna, baha nani maikrika tânka brisma kau bal takras ba kainara.”