Popular Bible Verses from Impakan Sturka 8

Share

Nanara sukia nani ba sim sât dauki, tairi nani sakaia trai munan, sakuna sip diara bal takras kan. Sakuna tairi nani ba upla daiwan nani ra sami iki lap tiki kan. Bara sukia nani wih king ra win: —¡Naha diara na, Gâd mita daukisa! Sakuna king ba ban ai kupia karna bri kan, Dawan mita win ba baku, Moses bara Eran wal ra bîla walbia apia.

Dawan bui Moses ra win: —Man king fero ba wih kaiks bara witin ra wis: ‘Dawan ba naku wisa: Swis yang upliki nani ba taki wabia bara yang nini mayunbia.

Bara king fero kaikan pikpik nani ba sut prui tiwan, witin trabil wina pri takan kan, bara kli ai kupia karna daukan, Dawan mita Moses ra win ba baku, king ba Moses bara Eran wal bîla walras kan.

Man bui witin nani ba swirka taki waras kabia kaka, pikpik nani ni klala maikamni.

Dawan bui Moses ra win: —Eran ra wis ai kînka ba wal tasba ra prukbia, bara Idsip tasbaya aiska ra tasba puknika nani ba wina tairi nani baman takbia.

Bara Dawan aisin ba baku daukan, walmu nani ba mita diara sut ba sauhki swin.