Popular Bible Verses from Smasmalkra 9

Share

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Rayakam ra lilia bri bas, baha mairka latwan kaikisma ba wal, wan nakra klipan baku, yu bani ba naha rayaka tânka âpu, Gâd mita naha tasba ra maikan ba baha baman man sâkma wark kasak takma ba wal, naha tasbaya ra.

¡Bamna, kaisa! Plun pisma ba piua ra, wain disma ba piua ra liliam bris; kan Gâd bui yamni kaikan man daukankam nani ba.

Sins lâka ba kau yamni sa, war aiklabaia dukia nani ba wal. Swakwanka kumi baman mita sauhkanka tara brih aula.

Kau pain bîla walisa sinskira nani ai aisanka tawa aisi ba, sinskas nani kingka karna kisbi wini aisi ba wal.

Baha purkara raya nani ba ai dahra walisa, witin nani pruaia ba, sakuna pruan nani ba diara tânka sin briras, diara sin win takras, witin nani diara sut âuya tiwan sa.