Popular Bible Verses from Smasmalkra 5

Share

Aihni daukpara, bîlam wal sin apia, lukankam wal sin apia, Gâd ra pramis takaia wipara, kan witin ba kasbrika purara sa, man lika tasba ra sma bamna. Baha mita, man sturi wiria baman aisas, dîa sip sma ba kat.

Diara wala ba, baha nani sut ra Gâd mita kukanka bara yamnika yabi ba, karnika sin yabisa baha wina piaia bara diaia, witin ai dukia ba; baha sut ba Gâd prisantka sika.

Ya lalah ra latwan kaiki ba, piu bani ra kau want plikisa, bara ya diara kukan lihki ba, aima kumi sin lukras sa, witin aitani bri ba. Naha sut ba bahki baman sa

Gâd watla ra auma ba ra, man daukankam ba main kaiks; taniskira nani baku sakripais daukpara, witin nani sinskas lâka ra ai tânka briras sa saura dauki ba, lamara bal bîla wali dauks.

Gâd ra pramis munma ba ra, piua wihka takaskpara daukaia, kan witin kupia lâka apia sa taniskira ba. Dauks pramiskam ba kat.

Kau yamni sa pramis munaia apia, pramis muni daukras kaia wal.

Wark tatakra ba, ailal pibia wiria pibia kra ai âuyapah yapisa, kuna yuyakira ba, ai kukanka mita yan sip ai âuyapah yapras.

Bara nahki naha tasba ra balan ba baku, ai yapti biara wina balan ba baku wabia, kwala luha, ai mihta warkka mana brih waras pali.