Popular Bible Verses from 2 Korint 4

Share

Bamna wan nakra kaiki diara bâra ba kaikras sa, sakuna sip kaikras dukia ba ra kaikisa; kan diara nani yawan kaiki ba lika ban kaia dukia apia sa, kuna sip kaikras dukia ba lika ban kaia ra ban sa.

Baku ba mita piua kumi sin yang nani si briras. Wan wîna tara ba tawa tawa mâyara iwisa sakuna, wan spiritka lika yu bani kau raya sakisa. Kan pât nani nahara wahwi ba lika diara wirha apia bara isti luisa, bara tnata ra prana ban kaia ba manis pali wankisa.

Baku, tnaya bani wina trabil ailal takisa, anik swak takaia yabalka âpu; wan kupia trabilka nani brisna, sakuna yang nani dring pruras. Wan nina bliki rau wan sauhkisa, kuna wan lulki lika swiras; tasba ra wan batakisa, sakuna wan sauhki lika tikras.

Sakuna baha diara manakira ba, yang nani wîni na sumi dakawa baku ba ra mangki brisna, bara baku mika upla kaikbia naha karnika na yang nani wina apia, sakuna Gâd wina sa.

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.