Popular Bible Verses from 1 Pita 4

Share

Diara sut purkara, pana pana uplikam ra latwan kaiki bas, kan latwan lâka ba mita saurka ailal ban swih tikisa bamna.

Kumi bani Gâd mita ai sinska yaban praiska kat ai uplika nani dukia dauki kaia sa, Gâd yamnika sât sât ba bisniska dadaukra painkira nani baku.

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

Sakuna, upla kum kristian ba tâwan pât wahwisa kaka, ai swira lukaia apia sa, kuna Gâd ra mayunbia naha nina bri ba.

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

Muihki laitwankira nani, traika kaikanka tara nani man nani puramra aula ba dukiara aihka lukpara; baha ba diara tringsar kum mai takuya baku lika luki kapara. Sakuna, Kraist pât wahwanka ba wal asla kumi wahwaia sma ba dukiara liliam banhwi bas, bara baku sin witin balaia prana ba kaikma ba ra, man nani lilia pali kama.

Pana pana walkam nani ba wamtla ra dingki bris, brukwan âpu.

Baku bamna, Gâd kupia lâka kat pât wahwi nani ba, ban diara yamni dauki kaia sa, bara ai sulka nani ba aiska pali ai Papaskra mihta ra mangkaia sa, kan witin lika kasakkira sa.

Baha mita, Kraist ai wîna ra pât wahwan ba baku, man nani sin pât wahwaia wilin kaia sma. Kan ani uplika pât wahwan kaka, saurka ba mahka swin sa, kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.

Kraist tâwan saura pali mai wibia kaka, man nani liliam bas; kan Gâd Spiritka pranakira ba man nani puramra bal iwi bahara takaskisa.