Popular Bible Verses from 1 Korint 15

Share

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

¡Sakuna Gâd ra tingki pali, witinka mita wan Dawan Jisas Kraist bâk pura luaia lâka wanki ba!

Man nani mamwahkpara. Aisanka kum aisi ba baku: “Wan pânika saura nani mita wan lâka pain nani ba sauhkisa.”

Sakuna yang dîa sna ba lika, Gâd bui yang wal ai kupia pihni brin ba mita; bara yang wal ai kupia yamni lâka brin ba bahki ra tawras sa. Sakuna, yang sika apastil nani sut purkara kau wark takri ba; baha ba yang pali lika apia, sakuna Gâd sika ai kupia yamni lâka ni yang wal ba.

Prura, ¿pura luaia karnika bri katma ba anira sa? Prura, ¿yang nani sairka paskaia karnika anira sa ki?” Saurka mita sika prura yawan ra wan sarka paskaia ai karnika yabi ba, bara lâ almuk mita saurka ra baha karnika yabisa.

Sakuna dahra prakan kum na wals: Yawan sut lika prubia apia; sakuna sut aihka wan lakan kabia, wan nakra klipan kumi ra, trumpit binka ba walbia. Trumpit ba inbia, bara pruan nani ba bukan kabia, bara kli prubia apia; bamna yawan na aihka wan lakan kabia.

Kan upla kum tâka mita prura ba tasba ra balan ba baku, upla kum tâka mita sin pruan nani kli buaia tânka ba balan. Adam daukan ba mita upla sut pruan ba, baku sin Kraist daukan ba mita upla sut raya kabia.

Kan yawan ra prui dukia ba, ban kaia pruras dukia ba ni ai kwalka baku dimaia sa; bara wan wîna tara prui na ban kaia ra pruras dukia ba ni ai kwalka baku dimaia sa.

Kan Kraist ba king kaia sa, Gâd mita ai waihla nani sut ai mina nani munhtara mangkbia ba kat. Bara waihla lâs saura ba sauhki tikan kabia ba lika prura.