Popular Bible Verses from Matius 23

Share

Sapa dari ngoni yang jadi orang penting, dia musti layani pa orang laeng sama deng orang karja layani orang.

Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri sama deng orang yang tara arti apa-apa, Tuhan Allah mo angka pa dia jadi orang yang penting.”

Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni jaga kase perpuluhan, sampe dari ngoni pe rampa-rampa yang paling kacil macam deng selasi, adas manis, deng jintan me ngoni buka dia pe perpuluhan. Tapi aturan yang paling penting yang ada di lima kitab Musa ngoni tara peduli, macam deng biking yang adil pa orang, kase tunju rasa kasiang pa orang, deng jadi orang yang setia. Sebenarnya, ngoni musti biking aturan-aturan yang penting itu, deng ngoni lagi jang berenti kase perpuluhan.

Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni itu munafik samua. Barang, dari luar dapa lia ngoni biking aturan agama, padahal di ngoni pe hati ngoni ingin rampas orang laeng pe barang deng tara mampo kuasai ngoni pe diri sandiri. Itu sama deng orang yang jaga kase bersi galas deng piring cuma di bagian luar, padahal bagian dalam kotor skali.

Abis itu, Yesus bilang, “Kasiang ngoni orang-orang Yerusalem! Ngoni yang bunu pa nabi-nabi yang jaga kase turus Tuhan Allah pe pasáng deng ngoni me lempar deng batu sampe mati pa orang-orang yang Tuhan Allah utus pa ngoni. So ulang-ulang kali Kita ingin kumpul pa ngoni supaya dekat deng Kita, sama deng ayam mai yang tutu dia pe ana-ana deng dia pe sayap. Tapi ngoni tara mau.

Itu sama deng ngoni, dari luar dapa lia ngoni sama deng orang yang jaga biking yang butul pa Tuhan Allah pe muka, padahal dari dalam ngoni pe hati, ngoni paling munafik deng jahat.