Popular Bible Verses from Luka 7

Share

Chifukwa chenichi ndikunene, vyarekeka vyakulakwa vyake vinandi; pakuti wangwanja ukongwa; kweni kwaku yo kamanavi karekeke, watanja kamanavi.” Ndipo wanguti kwaku iyo, “Vyarekeka vyakulakwa vyako.”

Kweni wanguti ku munthukazi, “Chivwanu chako chakutaska; kanga mu chimangu.”

wakuma kuvuli ku marundi ghake, wakuliya, wangwanda kuzumbwiska marundi ghake ndi masozi, ndi waghaleskanga ndi sisi la mutu wake, ndipo wafyofyonthanga marundi ghake, ndi waghatukutizganga ndi muro.

chifukwa chenichi kuti ndingujipima wakwenere cha kuza kwinu: kweni kambani mazu, ndipo wachizgikenge mteŵeti wangu. Chifukwa ine nda munthu nde wakuŵikika pasi pa mtufu, wakuŵa nawo pasi ŵankhondu: ndipo ndi munene uyu, ‘Rutanga,’ ndipo waruta; ndi ku munyake, ‘Zanga,’ ndipo watuza; ndi ku muŵanda wangu, ‘Chitanga chenichi,’ ndipo wachita.” Ndipo wachivwa ghenigho, Yesu wanguzizwa nayo, ndipo wanguti wang'anamukiya ku mzinda wakumrondo, wanguti, “Ndikuneniyani, chingana ndi mu Yisraele kuti ndasaniya cha chivwanu chikuru chaviyo.”

Mu ora lenilo wanguchizga ŵanandi ku matenda ndi masuzgu ndi mizimu yiheni; ndipo ku ŵachiburumutiya ŵanandi wangupaska kulereska. Ndipo wakwamuka wanguŵanene, “Rutani, mtauliyeni Yohane vyo mwawona ndi mwavwa; ŵachiburumutiya ŵalereska, ŵakuganthiya ŵatenda, ŵamakhate ŵaphotoleka, ŵamgota ŵatuvwa, ŵakufwa ŵayuskika, ŵasokwa ŵataulikiya evangeli.