Popular Bible Verses from Luka 3

Share

Ndipo kunguŵa, linguti labatizika khamu lo lose, ndi Yesu nayo wati wabatizika ndi wachiromba, kuchanya kungujurika, ndipo kungusikiya pake Mzimu Wakupaturika mu chikozgu cha liŵavu uli ndi nkhunda, ndipo kunguŵa liu kutuwa kuchanya, lakuti, “Iwe ndiwe Mwana wangu wakwanjiwa, mwaku iwe ndikondwere.”

wangwamuka Yohane, wakuŵanene wose, “Ine ndikubatizani ndi maji; kweni watuza wanthazi ndi ine, mikoŵezu ya viyatu vyaku mweniyo kuti nde wakwenere cha kufwatuwa; iyo wabatizenge imwe ndi Mzimu Wakupaturika ndi moto

Viyo pasani vipasi vyakwenere chipe, ndipo munganda cha kunena mwaku mwaŵeni, ‘Dada te nayo Abrahamu’; chifukwa ndikuneniyani, kuti Chiuta ngwanthazi mu mya iyi kuyuskiya ŵana kwaku Abrahamu.

Ndipo sono naku mbavi yijikika ku nkhorozu ya miti: viyo muti wose wambura kupasa chipasi cheneko utemeka, ndi mu moto upong'eka.”

mo kwalembeke mu buku la mazu ghaku Yesaya mchimi yo, “Liu la wakubongo mu bozwa lo, Rongosoni nthowa ya Mbuya, nyoroskani ŵagurwi ŵake. Chinkhwau chose chiundikenge, ndi phiri lose ndi mthunthu viundumukenge; ndi chakugombete chiŵenge chakunyoroka. Ndi zamawongoromwa ziŵenge nthowa zakumphyemphyema; ndipo munthu yose wawonenge utaski waku Chiuta.”