Popular Bible Verses from LUKA 12

Share

Na imwe enembo khalani na kusasanyika, thangwi Mwana Munthu anabwera pandzidzi unakhonda imwe dikhira.”

Mbwenye chakutoma imwe mwathema kutsalakana pya Ufumu wache, tenepo iye anakupasani pinthu pinango pyonsenepi.

Yesu adathimiza kulonga kuna onsene ale mbati, “Khalani m'maso, muonesese mwadidi kuti mukhonde khala na mtima pachinthu na chibodzi chene. Kuinjipa kwa mfuma ya munthu si mdida wa moyo wache tayu.”

Thangwi kuna mfumanu, mtimanu umbakhalambo konthoko.

Kadi unango wa imwe anakwanisa kuthimizira ora pamoyo wache na kuswipa mtima na penepi?

Tenepo Yesu adalonga kuna anyakufunzache mbati, “Ndi thangwi yache ndikukupangani kuti lekani swipa mtima pya moyo wanu kuti munadyanji, penu pya manungo anu kuti munavalanji?

Na tsisi ene ya mumsolo mwanu yonsene yamala lengeswa. Natenepo lekani gopa, thangwi imwe ndimwe akufunika pyakwanga kupiringana ntchenga zizinji.

“Imwe kamkumbi ka mabira, lekani gopa, thangwi Babanu wa kudzulu afuna kukupasani Ufumu wache mwakukomerwa.

Ngayang'anani makhungubwe: Iwo nee ambalima, penu kuvuna tayu; nkhabe nyumba zakukoyeramo phoso penu pikwa tayu; kwache Mulungu ambaadyesa. Imwe ndimwe akufunika pyakwanga kupiringana mbalame.

“Tenepo, lekani sanyika m'manyerezero anu, pontho kuswipa mtima kuti munadyanji penu munamwanji.

Apo ngakhala Mulungu ambavazika ninga tenepa maudzu am'tsanga ale ambalila kukhala lero ene basi, mangwana mwache mbaponywa pamoto, ayi weneyu nkhabe dzakuvazikani mwadidi tayu? Imwe anthu a chikhulupiro chakuchepa!

Pinthu pyonsene pinabiswa ndzidzi unopi pinafununkhulwa, pontho pyachibiso-biso pyonsene pinadziwika.