Popular Bible Verses from Matayo 19

Share

Yesuni mile baria yi ruaa, nga yo yi tia, Ba vurisi e’yo ’diri econi ku, te Mungu vurisi e’yo dria eco ra.

’Dini yi ovuni iri dika ku, te rua alu. E’yo ’disi afa Munguni ecile tualuniri, ’ba ada ma co eseleni ’ku

Eri nga e’yo omvi, ’yo ra kini, Emi lani ndra kini ’ba ’ba ’bapi okokeleri ede ndra yi agupiru azini okuru ku ya? Eri nga ’yo ra, E’yo ’disi agupi nga ati pi ku andri be, nga i ebi oku ini be; ’ba ’diyi iritro nga ovu rua aluru.

Te Yesu nga ’yo ra, Emi ku anzi nyiri ma emu ma vu, emi ma oga yi si ku; suru ’buari ovu ’ba ’dinile ’diyini.

Te ’ba kakau ovupi oko ’diyi nga ovu ’ba vileru; ’ba vile ’diyi nga ovu ’ba oko ’diyiru.

’Ba dria alu jo pi kupi, adripi pie, amvipi pie, ati pie, andri pie, anzi pie, angu pie dria, ma rusiri, yi nga eri ofe pale turu, azini eri nga idri ’dani ’daniri bi awitaru.

Yesu nga ’yo eri tia, Mi ka le ovu kililiru, mi mu, mi ozi afa mini dria, mi fe ’ba alioru dri, te mi nga ovu lonyi be ’bua; azini mi emu ma vuti bizu ani.

Eri nga ’yo eri tia, Mi zi onyi ma e’yo ma tia a’disi ya? ’Ba onyi beri eri alu. Te mi ka le fi idria, mi mba azita ma tao

Dika ma ’yo emi tia, Ngamiani fizu sindani ma talaasiri eri ewa kokoru aga ’ba afa e’iruni fizu suru Munguniari ra.

Ma’i, ma ’yo emi tio: ’ba azini ka oku ini dro ra, ka ovu e’yo ali ’bazanisi ku, ka andini je, eri ’ba alini; ’ba oku ’bani drole ’diri jepiri ’ba alini indi.

Yesu nga ’yo ’ba erini imbale ’diyi ma tia, Ma ’yo emi tia ndi, kini, eri nga ovu ewaru ’ba afa e’iru dri fizu suru ’buaria.