Popular Bible Verses from Luka 6

Share

emi ma fe afa ’ba dri, ’ba yi nga afa fe emi dri indi; yi nga o’biza onyiru, omizaru, oyazaru, drini ayipi vari fe emi dri ’duzu agatia. Te yi nga afa o’bi emi dri, o’bita emini o’bile feleri vusi.

’Ba onyiruni adri e’yo onyiru ofu lonyi onyiru i ma asiari ma alia, azini ’ba onzi e’yo onzi ofu lonyi,onzi ma alia; te ti ’bani eri e’yo gapi ’ba ma asia treri ’yo’i.

Te emi ma le emi juru, emi ma ’ye onyiru, emi ma fe mari, ka tro emi egani omvizani ku ti; orodri emini nga ovu kakau, emi nga ovu anzi Mungu ovupi Uru Turini; erini ovule onyiru ’ba awa’difo kokoru ’diyi pi vu ’ba onzi be indirisi.

Emi ma ovu asi ndriza be Ata eminirini ovule asi ndriza berile.

Emi ku e’yo liza ja, ’ba ngani e’yo emini li ku beni; emi li e’yo i ’bani yi ndezu ku, ’ba ngani ani e’yo li emi ndezu ku; emi ku e’yo onzi ’bani, ’ba nga e’yo onzi emini ku ani

Te ma ’yo emi ’ba eripi ’diyi ma tia, Emi ma le juru emini, emi ma ’ye onyiru ’ba emi ngupi onzi ’diyi vu, emi ma ’yo e’yo asi ndrizasi ’oa emi tripi ’diyi ma tia, emi ma zi Mungu ’ba emi ’yepi onzi ’diyi dri.

Emi ma ’ye ’ba vu ekile emini lele yi ma ’ye emi vurile.

’Ba emi o’bolo sapi aluri dri emi ’ma oja aziniri indi; ’ba bongo emini amveleru papiri dri emi ma oga alialeruri ku. Mi ma fe ’ba dria afa a’ipi mi vuri dri; ’ba afa emini ’dupiri ma tia, mi ma zi ariotini omvizu ku.

Pati onyiru efi onzikanya ’yapini yo, azini pati onzikanya efi onyiru ’yapini vini yo

te ’ba pati dria alu alu ni efi ’yaza yinirisi. ’Ba tini elio efi pati oci beri ma ruaa ku, azini yi tini zabibu efi La ruaa ku.