Popular Bible Verses from Luka 4

Share

Orindi Opini ovu ma dria, erini odu osule ma dria e’yo baru oluzu ’ba alioru ’diyi ma tiarisi. Eri pe ma ti e’yo otruzani oluzu ’ba ovupi ombezaru aruru ’diyi ma tia, azini e’yo yini angu luzu dikari oluzu ’ba mileefi draza be ’diyi ma tia, ’ba rua be nyozaru ’diyi ti pezu truzaru, eli Opini a’ileri ma e’yo oluzu indi.

Yesu omvi e’yo eri tia, E’yo si i ’bo kini, Mi ma inzi Opi Mungu mini, mi ma nga azi eri dri a’dule.

Yesu nga e’yo Omvi, ’yo eri tia, E’yo si i ’bo kini, ’Ba econi ovu idriru enyasi a’dule ku.

Yesu ga tre Orindi Alatararusi, ka emvi Yoridaniasi ’bo, Orindi ji eri muzu angu roko driaria

Yesu nga e’yo omvi ’yo eri tia, Eri ovu ’yozaru ’dini, Mi obe Opi i Mungu mini ku.

’Ba asu supiri ka obeta de kinakina ’bo, ku anga eri were.

’Ba asu supiri ji eri uru, ece eri dri suru wudrikuruni dria mbelekocici; ’ba asu supiri ’yo eri tia, Ma fe mi dri okpo ’diri dria, diza yini be; a’disiku fe yi ma dri ra, ’ba mani lezu fezu driniari dri ma fe ra, E’yo ’disi mi ka kumuti osi va ma drilia ma inzizu, afa ’diri dria nga ovu mini. Yesu omvi e’yo eri tia, E’yo si i ’bo kini, Mi ma inzi Opi Mungu mini, mi ma nga azi eri dri a’dule.

Eri ji eri Yerusalemua, ’ba eri pa sozu hekalu ma karia dria uru, nga ’yo eri tia, Mi ka ovu Mungu Mvi’i, mi ’be mi ’diarisi va; te e’yo si i ’bo kini, Eri nga malaika erini azi e’yo azini, Yi nga mi ’du uru dri yinisi, mi kazu mi pa sizu oni dria ku. Yesu nga e’yo omvi ’yo eri tia, Eri ovu ’yozaru ’dini, Mi obe Opi i Mungu mini ku.