Popular Bible Verses from Luka 14

Share

’Ba azini ka emu ma vu, ka i ati pi ngu, andri pie, oku pie, anzi pie, adripi pie, amvipi pie dria ku, ada ka idri i ngulupini ngu ku indi, econi erini ovuzaru ’ba mani imba­leriru ku.

’Ba ka pati alaza i ma ngulupini ’du ji ku emuzu ma vutia, econi erini ovuzaru ’ba mani imba­leriru ku.

Te ’ba dria alu alu i ’bapi ururi yi nga eri omvi ele, azini ’ba i omvipi eleri yi nga eri ’ba uru.

’Dinile ’ba dria alu alu emi eselia afa dria i ma ngulupini kupi kuri, econi erini ovuzaru ’ba mani imbaleriru ku.

’Ba emi eselia lepi jo izuru sipiri a’di’i ya, eri ngani ri va silingi erini ngale ezaleri lazu raka ku ya, nizu kani eri ovu afa dri fupi jo nde dezu rari be? Ka’dini ku, eri ka jo eti ’ba ’bo, ka eco eri dezaru ku, ’ba dria eri ndrepi ’diyi nga ’ba eri ogu ogu, kini, Agu ’diri eri ’ba jo sizu ra, te econi dezaru ku.

Te mi ka omu ’ba, mi ma omve ’ba alioru,, ’ba rua ondriza, ’ba acoza, ’ba mileefi odraza ’diyi pie dria, te mi drileni nga ovu ba, afani ovule yi dri yorisi mileni omvizu mi dri. Mileniri nga ovu omvizaru mi dri ewu ’ba kililiru ’diyini engazu ’ba draza ma eseliarisi.

Awa’dini a’iri onyiru; te a’i nde ma si ka fu ’bo, yi nga eri ’ba aluzaru dika a’di afasi ya? Funi dri ’bazu amvua ku, kani murutu dria ku; yi eri ’be amve. ’Ba bile be e’yo erizuri ma eri ra.