Popular Bible Verses from मत्ती 7

Share

“अपणी जरुरत री चीज परमेश्वर का मन्गो तां तिन्हा ने तुसा जो दैणा, तोपगे तां तुसा जो मिल्ली जाणा, ते खटखटांगे तां तुसा रे तांइ दुआर खोल्लेया जाणा।”

किजोकी हर इक्क मणू जे मंगदा, तिसजो मिली जान्दा जे तोपदा से तिसजो पाई लिंदा अते जे खटखटांदा ही रैहन्दा तिसेरे तांइ दुआर खोल्ली दित्तेया जाणा।

“इधेरे तांइ जे कोई मेरे इन्हा वचना जो सुणी करी तिन्हा पर चलदा, से उस समजदार मणू सांई ए जिनिए अपणा घर पक्के सप्पड़ा पर बणाया।

“इधेरे तांइ जिय्यां तुसा चाह्‍ंदे कि मणू तुसा कने करण, तुसा भी तिन्हा कने तिय्यां ही करो किजोकी परमेश्वर रे कानून अते भविष्यद्वक्ता री गल्लां रा ए ही मतलब है।”

पर कितणा तंग है से दुआर अते कितणा मुस्किल है से रस्ता जे हमेसा री जिन्दगी पास्से जांदा, बड़े घट्ट जणे हिन जे तिस पर चलदे।

“परमेश्वर रे राज बिच तंग रस्ते का जाओ, किजोकी चौड़ा दरवज्जा अते बड्डा रस्ता तां विनास रे पास्से लेई जांदा मते जणे हिन जे तिस रस्ते पर चलदे हिन।”

इधेरे तांइ जे चाये तुसा बुरे ही किजो नी हिन, अपणे बच्चेयां जो ठीक चीजां दैणा जाणदे तां तुसा रा पिता परमेश्वर जे स्वर्ग बिच हिन तुसा रे मन्गणे पर ठीक चीजां किजो नी दिंगा?

यीशु ने अपणे उपदेस जो जारी रखदे होए तिन्हा लोक्कां जो बोल्लेया “दूज्जेयां पर इल्जाम मत लगाओ नी तां परमेश्वर ने तुसा पर इल्जाम लाणा।” किजोकी जिय्यां तुसा लोक्कां पर इल्जाम लांदे, तिय्यां ही परमेश्वर ने भी तुसा पर इल्जाम लाणा, अते जिस तरिक्के कने तुसा लोक्कां पर इल्जाम लांदे, तिस्सी तरिक्के कने तुसा पर भी इल्जाम लाया जाणा।

पर जे कोई मेरे इन्हा वचनां जो सूणदा पर उन्हा पर चलदा नी, से उस बेवकूफ मणू सांई हिन, जिनिए अपणा घर रेत पर बणाया।

“तुसी किजो अपणे भाई री छोटी जदेई गलती जो दिख्खेया करदे हिन, जां तुसा री अपणी जिन्दगी बिच बड्डी गलतियां हिन।” जां तेरी अपणी जिन्दगी बिच बड्डी गलतियां हिन, तां तुसा किय्यां अपणे भाई जो बोल्ली सकदे कि अपणी गलतियां जो सुधार?

“झूठे भविष्यद्वक्ता का बच्ची रेयो, जे भेड़ां रे भेस अन्दर तुसा का आन्दे, पर अन्दर का से खूंखार भेड़िए सांई हिन।” तिन्हेरे कम्मां का तुसा ने तिन्हा जो पछियाणी लैणा। कै झिल्लां पर अंगूर या कंडेया पर अंजीर उग्गि सकदे?

इय्यां ही हर इक्क खरा बूट्टा ठीक फल्ल दिंदा अते बुरा बूट्टा बुरे फल्ल दिंदा।

खरा बूट्टा बुरे फल्ल नी देई सकदा, अते ना ही बुरा बूट्टा खरा फल्ल देई सकदा।

हर इक्क बूट्टा जे खरा फल्ल नी दिंदा, से बड्डेया अते आग्ग अन्दर पाई दित्तेया जान्दा ए।