Popular Bible Verses from मत्ती 23

Share

तुसा रे बिच का सबका खास मणू सेह्ई होणा जे तुसा रा नौक्कर बणगा।

जे कोई अप्पु जो बड्डा बणागां, ओ छोटा कित्ता जाणा: ते जे कोई अप्पु जो छोटा बणागां, से बड्डा कित्ता जाणा।

“ओ ढोंगी शास्त्रियों, ते फरीसी लोक्कों, तुसा पर लाणत है! तुसा पुदिन्ने ते सौंफ ते जीरे रा तां दसमाअशं दिदें, पर न्याय, दया, ते विश्वास जदेई मूसा रे कानून री जरुरी गल्लां जो छड्डी दित्ते रा है; जरुरी थिया कि तुसा दसमाअशं भी दिंदे रैहन्दे ते ए कम्म भी कमादें रैहन्दे।

ओ ढोंगी शास्त्रि ते फरीसी लोक्कों! तुसा पर लाणत है, जिय्यां भांडे बाहर का तां साफ पर अंदर का गंदे हुंदे, तिय्यां ही तुसा भी अप्पु जो लोक्कां सामणे तां पवित्तर बणी करी दसदे पर अंदर का लालच ते मतलबीपन कने भरे रे हिन।

ओ यरुशलेम सहर रे लोक्कों! तुसा इदेय मणू हिन जे भविष्यद्वक्तां जो मारी रखदे अते परमेश्वर रे भेजे दूतां जो पत्थर मारदा, मैं कितणी वरी चाया कि जिय्यां कोई मुर्गी अपणे चुज्जेयां जो अप्पु का कठेरी करी बचाई लिंदी तिय्यां ही मैं तेरे बच्चेयां जो बचाणा चाएया, पर तुसा मणूआं ने नी चाया।

इय्यां ही तुसा बाहर का तां धार्मिक लिबदे हिन पर अन्दर का छल-कपट अते अधार्मिकता कने भरितेरे हिन।”