Popular Bible Verses from यूहन्ना 8

Share

तां यीशु ने तिन्हा मणूआं जो बोल्लेया, दुनिया री रौसनी मैं है, ते जे कोई मेरे मेरी गल्लां मन्नी करी मेरे पीच्छे चलगा, तिनिये पाप रे न्याहरे बिच नी रैह्णा, पर तिसका हमेसा री जिन्दगी री रौसनी होणी।

तुसा सच्चाई जो जाणो, ते सच्चाई ने तुसा जो अजाद करणा।

तां यीशु ने तिन्हा यहूदी लोक्कां कने ए बोल्लेया जिन्हा ने तिन्हा पर विश्वास कित्तेया थिया, जे तुसा मेरे शिक्षा बिच बणी रैहन्गे, तां हकीकत बिच मेरे चेल्‍ले ठैहरगे।

इस तांइ जे पुत्तर तुसा जो अजाद करगा, तां सच्ची तुसा अजाद होई जाणा

जां से तिसका पूच्छेया करदे थिये, तां यीशु ने सिधे होई करी तिन्हा जो बोल्लेया, कि तुसा रे बिच का जिनिये कदी पाप ना कित्ते रा हो, से इसजो पैल्ला बट्टा मारे।

यीशु ने तिन्हा जो जवाब दित्ता, मैं तुसा जो सच-सच बोलदा कि जे कोई पाप करदा, तां से पाप रा गुलाम है।

यीशु ने सिधे होई करी तिसका पुछया, ओ जनानी से कुत्ते गेई? कै कुसी ने भी तिज्जो सजा नी दित्ती? तिस जनानी ने बोल्लेया, ओ प्रभु, कुसकी ने भी नी: यीशु ने बोल्लेया, मैं भी तिज्जो सजा नी दिन्दा। जा, ते फिरी दुबारा पाप मत करदी।