Popular Bible Verses from यूहन्ना 6

Share

यीशु ने तिन्हा जो बोल्लेया, हमेसा री जिन्दगी री रोट्टी मैं ही है: जे मेरे का आंगा से कदी भी भूखा नी रैह्णा ते जेडा मेरे पर विश्वास करगां से कदी भी प्यासा नी रिगां

आत्‍मा ते जिन्दगी दिंदी, पर सरीर कने किच्‍छ फैदा नी है, जेडी गल्लां मैं तुसा जो बोल्ली, से पवित्रात्मा रे पास्से का है, जे जिन्दगी दिंदा।

मुकी जाणे वाली रोट्टी तांइ परिश्रम न करो, पर तिस रोट्टी तांइ मैहनत करो जे कि हमेसा री जिन्दगी तक रैह्‍ंदी, जिस जो मणू रा पुत्तर, जे मैं ही है, तुसा जो दिंगा, किजोकी पिता परमेश्वर ने ए करणा रा अधिकार भी दित्ते रा है।

किजोकी मेरे “पिता” री इच्छा ए है कि जे कोई पुत्तर जो दिख्खे, कने तिस पर विश्वास रखे, से हमेसा री जिन्दगी पाये कने मैं तिसजो आखरी दिन फिरी जिन्दा करणा।

यीशु ने तिन्हा जो जवाब दित्ता परमेश्वर तुसा का ए चाह्‍ंदे कि तुसा मणू तिस पर विश्वास करो जिस जो परमेश्वर ने भेज्जे रा है।

जिस कुसकी जो मेरा “पिता” मेरे जो दिंदा, से मेरे का आंगा, ते जे कोई मेरे का आदां, तिसजो मैं कदी भी नी नक्कारणा।

शमौन पतरस ने तिसजो जवाब दिता, ओ प्रभु, असी कुसका जाईए? तुसा का हमेसा री जिन्दगी रे वचन हिन।

हमेसा री जिन्दगी री रोट्टी, जे स्वर्ग का उतरे री है, से मैं है, जे कोई इस रोट्टी जो खान्दा, तिनिये हमेसा तांइ जिन्दा रैह्णा ते जे रोट्टी मैं दुनिया रे लोक्कां जो जिन्दगी तांइ दैणी, से मेरा सरीर है।

कोई मेरे का नी आई सकदा, जा तक “पिता” जिन्हा ने मेरे जो भेज्जे रा है, तिसजो मेरे का ना लेई आए, फिरी मैं तिसजो आखरी दिन फिरी जिन्दा करगां।

परमेश्वर री रोट्टी ओ ही है, जेडी स्वर्ग का उत्तरी करी दुनिया रे लोक्कां जो जिन्दगी दिन्दी।

जिन्दगी री रोटी, मैं ही हैं।

तां यीशु ने रोटियां लित्ती ते शुक्रिया करी के बैणे बाले जो बन्ड़ी दित्तीयां ते तिय्यां ही मच्छियाँ जितणी से चाह्‍ंदे थिये बन्डी दितियां। जां से खाई करी से रजी गे तां तिन्हा ने अपणे चेल्‍लेयां जो बोल्लेया बचे रे रोट्टी रे टोकरे किठ्ठे करी लिओ कि किच्‍छ भी सूटे ना जाण।

जिस बेल्ले से चप्पु मारदे-मारदे लगभग छे किलोमीटर चली गे, तां तिन्हा ने यीशु जो झील पर चली करी किस्ती रे नेड़े आंदे दिख्खेया ते डरी गे। पर तिसने तिन्हा जो बोल्लेया, डरो मत! मैं है!