Popular Bible Verses from प्रेरितां रे कम्म 5

Share

पर पतरस ते होर प्रेरितां ने जवाब दित्ता, मणूआं रे हुकम का बधी करी परमेश्वर रे हुकम जो मनणा ही असा री जिम्मेदारी है

से हर रोज मन्दिर बिच ते घर-घर बिच प्रचार करणे, ते इस गल्ल रा सुब बसेख सुनाणे का कि यीशु ही मसीह हिन, नी रुके।

पतरस ने बोल्लेया, ओ हनन्याह! शैतान ने ए गल्ल तेरे मन बिच किजो पाई की तू पवित्रात्मा कने झूठ बोल्ले, ते अपणी जायदाद बिच का थोड़ा हिस्सा बेच्चेया थिया, तिसेरे दाम बिच का किच्‍छ रख्खी छड्डे? जां तिकर से तेरे का थी, कै तेरी नी थी? ते जां से बिकी गई, कै तेरे वस बिच नी थी? ए बुरी गल्ल तैं अपणे मन बिच किजो सोच्ची? तैं मणूआं कने नी पर परमेश्वर कने झूठ बोल्ले रा है। ए गल्लां सूणदे ही हनन्याह छुड़की पेया ते तिसेरी जान निकली गई ते सारे सुनणे वाले बड़े डरी गे।

इधेरे तांइ अवे मैं तुसा जो बोलदा कि इन्हा मणूआं का दुर ही रेयो ते इन्हेरे कने किच्‍छ कम्म मत रख्खो किजोकी जे ए धार्मिकता रा कम्म मणूआं रे पास्से का हो तां मिटी जाणा पर जे परमेश्वर रे पास्से का है तां तुसा तिन्हेरे कदी मिटाई नी सकगे कुते इदेया ना हो कि उसी परमेश्वर कने भी लड़ने वाले बणी जाओ