Popular Bible Verses from Marku 13

Share

Do të urreheni prej të gjithëve për shkak të emnit tim, por kush të ketë qëndrue deri në fund, ai do të shpëtojë».

Hapni sytë e mos flini, se nuk e dini kur asht koha.

Kur t'ju rrëmbejnë e t'ju dorëzojnë, mos u shqetësoni para kohe çka me thanë, por, çkado t'ju jepet në atë kohë, atë thoni. Nuk jeni ju ata që flitni, por Shpirti i Shenjtë.

Qielli e toka do të kalojnë, por fjalët e mia nuk do të kalojnë».

«Për atë ditë e atë orë nuk din gja askush, as engjëjt në qiell, as Biri, veçse Ati.

Kur të ndigjoni luftnat e lajmet e luftnave, mos u dridhni. Duhet të ndodhin, por nuk asht ende fundi.

Prandaj rrini zgjuet, se nuk e dini kur vjen i zoti i shtëpisë, në mbramje, në mesnatë, kur të këndojë gjeli, apo në ag. Se mos vjen papritun e ju gjen tue fjetë. Çka po ju them juve, ua them të gjithëve: rrini zgjuet!».

Do të ngrihen nji komb kundër nji kombi e nji mbretni kundër nji mbretnie, do të ketë tërmete gjithandej e do të ketë zi buke. Këto janë fillimi i dhembjeve.

Por, ma parë, duhet që lajmi i mirë t'u kumtohet të gjitha kombeve.

Shumë kanë me ardhë në emnin tim tue thanë: "Jam unë". E kanë me mashtrue shumë vetë.

Ruhuni! Do t'ju dorëzojnë nëpër gjykatore, do t'ju frushkullojnë nëpër sinagoga e do të dilni para prijësve e mbretënve për shkakun tim, si dëshmi për ta.

Do të ngrihen krishta të rremë e profetë të rremë e do të bajnë shenja e mrekulli për me i mashtrue, mundësisht, të zgjedhunit.

«Megjithatë, ato ditë, mbas asaj ngushtice, dielli do të terratiset e hana nuk do ta dhurojë përhitjen e vet, yjet do të këputen prej qiellit e fuqitë që gjenden në qiell do të tranden.