Popular Bible Verses from Matthew 7

Share

“Yennakà molopai yepolo auya màlà. Iwakà, molopai yepolo auya màlà. Manatta iwàkà, molopai ittakkoka màlà eyemyak.

Masapùla ànù'là yennanài pe nai'nùk uya yepolo màlà, molopai iwanài uya yepolo, molopai manatta yakkoka màlà iwànài yemyak.

“Màlàpàk uchi, ànù'là sàlà yamùk umaimu yetan nan molopai yawolon kon wechi màlà pukkek kàyik tàk po tùwùk yamùnàippù kasa.

“Ewinàkàik ikupù iche ewettok kon mùkuttàik tùulon kon winàkàik. Sàlàichi màlà Law molopai Katù Maimu yenpoikannan uya enupantok,” teppù Jesus uya.

Tùse ettakkù manatta molopai elekkwà asanta màlà wema'nàtok yak anài, molopai tukkan kon pen uya yepolo màlà,” teppù Jesus uya.

“Ewontàk kon ettakkù manatta yai, masapùla awenek màlà manatta molopai eke màlà asanta mattantok yak anài, molopai tukkan kon mùkyamlo itawà tùutàsan.

Àli pe là echii'ma'nokon wakù ton tùlù auya'nokon àmunkà kon yemyak ittunnan amyamlo. Màlà yentai nen uchi Àkàipùnù kon epùn pon uya màlà mùkyamlo, yennannan pe nai'nannùk lepa wakù ton ke!

“Suwa messaik kùkai tùulon kon pàk, wa tawon pe ewechi yau àpàk nàlà wa te màlà. Masapùla suwa messaik tesak auya tùulon kon pàk yau, màlà kasa làma àpàk wa te màlà, molopai yà'làlà ànkupùppù kon tùulon kon winàkàik wekkupù màlà ewinàkài'nokon.

Tùse ànù'là sàlà yamùk umaimu yetan nan molopai yawolon kon pen wechi màlà pakko kàyik wàssàk po tùwùk yamùnàippù kasa.

Yà'là pe ken uchi iwechipàk àtonpa kon yenu yawon elekkwà yei ippunuppù yennàinan amyamlo, eke pùlanka eyenu kon yawon tense pùla? Atta ken uchi àtonpa kon pàk, ‘Masa yei ippunuppù eyenu yapai tùmokkaiche,’ te auya'nokon, eke pùlanka wechi eyenu kon yau tùse?

“Tùttuse ettàk kon, ailon pen itekale yenpoikannan pàk. Tok uyàpù màlà apyakù'nokon kalinilu kasa là tok usene màlà polopo, tùse àsà ton kamo yamùk kasa tok wechi màlà. Tok ittu auya'nokon màlà tok nùkupù winà. Àmà'nà yek màlà grape pe tùwepetasen pen, molopai kalalaik yek màlà fig ke tùwepetasen pen.

Màlà kasa meluntà yei màlà wakù pe itepelu tùwepetasen, tùse italumayippù yei wepeta màlà àli pe itepelu.

Meluntà yei wepeta àli pe itepelu pen màlà, molopai italumayippù yei wepeta wakù pe itepelu pen.

Yei wakù pe tùwepetasen pen màlà tattàsen molopai apok yak tenu'masen.