Popular Bible Verses from Matthew 2

Share

Tapùi tak tok wewomùppù màlà molopai mule yeneppù tok uya tùsan Mary pokonpe. Tese'mu kon yok tok wenappù molopai tok uya yapulàppù.Màlàyau tapluli kon yen yakkokappù tok uya. Molopai tùntùlù kon tùlùppù tok uya, kolù, appoi'nan tùpottàsen, frankincence, molopai appoi'nan kalapa itesek myrrh.

Jesus wentuppù màlà pata Bethlehem, Judea yawon po. Herod wechi kin pe yattai. Malalà tùpo kàyik yamùk pukkek ton uyàpùppù màlà, wei wepakkatok winàpai Jerusalem pona. Molopai tok uya kappon yamùk yekamappoppù. {“I'nai ken uchi mùkkàlà mule iwentusa'lùppù Jew yamùk kinù pe? Ichilùkàyi yentai ina wei wepakkatok winà molopai ina uyàssak sàlà yapulàse,” tukaik.

Tok utauchinpasak wechippù kulu màlà eke pe, chilùkà yensak tùuya'nokon yau!

Katù uya tok yelupappù we'neppà'nàtok yau, “Herod piyak kennappotàu,” tukaik. Màlàpàk tok wennappoppù tùulon asanta tawà. Tok utà tùpo, Itepulu inchelùyi, usenpoikappù màlà we'neppà'nàtok yau Joseph piyak. Molopai ipàk “E'wuluukakà, mule molopai ichan tawonnan yakà, epetàk kon Egypt pona. Molopai molo mettàik itàtàk kon te uya ponalà. Herod uya mule iwa màlà iwàtoppe tùuya,” teppù ya.