Popular Bible Verses from Yeunossak kon Wotokoyi 17

Share

Sàlà kupùppù ya màlà tùwa toppe tok uya tappàttoppe molopai tepotoppe tok uya. Tùse Katù mùkkàlà meyon pen kùwinàpai'nokon.

Tewinan kàyik winà tamù'nawolon kon kappon yamùk tùpatalo'nan kon konekappù ya. Molopai tok wemattoppe ikupùppù ya sàlà non po mailàlà. Tùmàlà pe tok wemattoppe màlà yattai ikupùppù ya molopai màlà pata kupùppù ya tok wemattok yau pe.

“Katù sàlà wolù molopai tamù'nawolon yau nai'nùk konekanàippù, mùkkàlà epùn molopai non tawon Yepulu, molopai kappon yamùk namùppù tapùi yamùk tau tùwemassen pen.

Masapùla tamù'nawolon kon kappon yamùk sàlà non pon kon ittutok tùuya wakù pe tùwettok yau yattai konekasak ya màlà, mùkkàlà kàyik tùnanùmùppù winà. Sàlà yenpoikappù ya màlà tamù'nawolon kon pàk, mùkkàlà kàyik wuluuka tùuya weli'nàtok yapai winà!” teppù Paul uya.

Imunkà yamùk pe we'nà'nokon pàk, Katù wechi kolù wapùla chilùpa, wapùla tàk là, kappon nùkonekappù tùnùttu yawàlà kasa iwechi pe yekama'nokon kùsettak.