Popular Bible Verses from Markus 5

Share

Panjenengané terus ngomong marang wong wadon kuwi: “Hé, anakku, pertyayamu wis mitulungi kowé. Muliha karo tentrem-rahayu, lan warasa sangka lelaramu.”

Ana wong wadon sing lara nggrajak getih wis rolas taun suwéné, sing banget enggoné ngalami sangsara, wis bola-bali ditambani dokter pirang-pirang, nganti ngentèkké barang duwèké kabèh, nanging kuwi ora mitulungi, nanging larané malah dadi luwih nemen.

Sak nalika nggrajak-getihé terus dadi mampet, uga ya ngrasakaké yèn awaké wis waras.

Karo nyekel tangané, Panjenengané ngomong marang botyah kuwi: “Talita kum,” sing tegesé: “Hé, botyah wadon, Aku ngongkon marang kowé, tangia!”

Nalika Panjenengané ijik ngomong, wong sangka omahé Yairus mau teka lan ngomong: “Anak wadon sampéyan wis ninggal, apa gunané sampéyan ijik nyusahké Guru?” Nanging Yésus, karo ora nggatèkké marang tetembungan sing diutyapké kuwi, ngomong marang Yairus: “Aja wedi, pertyayaa waé!”

Wong mau ngomong mengkono, jalaran Panjenengané ngomong: “Metua sangka wong kuwi, hé, roh ala!” Panjenengané terus takon marang wong kuwi: “Sapa jenengmu?” Wong kuwi terus ngomong: “Jenengé kula Legion, awit kula kuwi okèh.”