Popular Bible Verses from Markus 13

Share

Kowé bakal pada disengiti karo wong kabèh awit sangka jeneng-Ku. Nanging sapa sing tahan nganti tekan ing pungkasan, kuwi bakal slamet.”

“Kowé pada jaga-jagaa, tansah pada jaga-jagaa! Awit kowé pada ora weruh kapan wantyiné.

Nanging yèn wong-wong kuwi pada nggiring kowé, arep masrahké kowé, kowé aja pada sumelang, bab apa sing kudu kok omongké, nanging pada omongna apa waé sing nalika kuwi dikèkké marang kowé, awit duduk kowé sing pada ngomong, nanging Roh Sutyi sing ngomong.

Langit lan bumi bakal entèk, nanging tembung-tembung-Ku ora bakal entèk.

Nanging kanggo dinané utawa wantyiné, kuwi ora ana wong siji waé sing weruh, mengkono uga para mulékat ing swarga, uga Putra ya ora, kejaba sang Bapak.”

Yèn kowé pada krungu swarané perang utawa kabar-kabar perang, aja geter atimu. Kuwi kabèh kudu kelakon, nanging kuwi durung tekan pungkasané.

Mulané pada jaga-jagaa, awit kowé pada ora weruh, kapan sing nduwé omah kuwi arep teka, apa arep tekané wengi, apa tengah wengi, apa wantyi pitik jago kluruk, apa ésuk-ésuk, supaya yèn sing nduwé omah kuwi dadakan teka, ora nemoni kowé ijik pada turu. Lan sing tak omongké marang kowé, kuwi tak omongké marang wong kabèh: Pada jaga-jagaa!”

Awit bangsa siji bakal nyerang bangsa liyané, lan kraton siji marang kraton liyané. Ing endi-endi bakal ana lindu lan patyeklik. Kabèh kuwi dadi wiwitan kasangsaran, arep tekané jaman anyar.

Nanging Injil kudu diwartakké ndisik marang sak kabèhé bangsa.

Bakal ana wong okèh sing pada teka nganggo asma-Ku, karo ngomong: Ya aku iki Panjenengané lan bakal nasarké wong pirang-pirang.

Nanging kowé, pada sing ngati-ati marang awakmu déwé! Kowé bakal pada dipasrahké marang pengadilan agama; kowé bakal pada digebuki ing sinaguk-sinaguk lan bakal pada diadepaké ing ngarepé para pangwasa lan para ratu awit sangka Aku, kanggo paseksi kanggo wong-wong kuwi.

Awit bakal ana mésias-mésias palsu lan nabi-nabi palsu bakal pada njedul lan bakal pada nggawé tanda-tanda lan mujijat-mujijat, karepé, bisa kanggo nasarké para wong pilihan.

“Nanging ing dina kuwi, sakwisé panyiksa mau, srengéngé bakal dadi peteng lan mbulan ilang padangé lan lintang-lintang bakal pada rontok sangka langit, uga para pangwasa ing langit bakal pada gontyang.