Popular Bible Verses from Yohanes 14

Share

Kowé pada Tak tinggali katentreman. Tentrem-rahayu-Ku Tak wènèhaké marang kowé, lan apa sing Tak wènèhaké kuwi ora kaya pawèhé jagat marang kowé. Atimu aja sumelang lan aja wedi.

Tembungé Yésus: “Aku iki dalané, lan kabeneran lan urip. Ora ana wong siji-sijia sing bisa nemoni marang Bapak, yèn ora liwat Aku.

“Atimu aja sumelang; pada pertyayaa marang Gusti Allah; uga pertyayaa marang Aku.

nanging Juru Pitulung, ya kuwi Roh Sutyi, sing bakal diutus karo Bapak atas asma-Ku, kuwi sing bakal mulangké samubarang kabèh marang kowé lan bakal ngélingké kowé sembarang sing wis Tak omongké marang kowé.

Sapa sing pada nduwèni lan netepi préntah-Ku, ya kuwi sing trésna marang Aku. Sapa sing trésna marang Aku, kuwi bakal ditrésnani karo Bapak-Ku lan Aku uga bakal nrésnani lan bakal ngétokké Aku déwé marang wong kuwi.”

Aku bakal njaluk marang Bapak lan Panjenengané bakal ngekèki kowé Juru Pitulung liyané, supaya Panjenengané nunggal karo kowé tekan selawasé, ya kuwi Rohé Kabeneran. Jagat ora bisa nampani Panjenengané, awit jagat ora weruh lan ora kenal marang Panjenengané, nanging kowé pada kenal marang Panjenengané, awit Panjenengané nunggal karo kowé lan bakal manggon ing kowé.

lan apa waé sing kok jaluk atas asma-Ku, Aku bakal ngleksanani, supaya Bapak diluhurké ing Putra. Yèn kowé pada njaluk apa-apa marang Aku atas asma-Ku, Aku bakal nindakké.”

“Yèn kowé pada trésna marang Aku, kowé pada netepana préntah-Ku.

Ing griyané Bapak-Ku okèh panggonan. Yèn ora mengkono, kowé mesti Tak omongi. Awit Aku mrana perlu nyawiské panggonan kanggo kowé.

Nanging yèn Aku wis mrana lan wis nyawiské panggonan kanggo kowé, Aku bakal bali menèh lan ngajak kowé menyang ngendi Aku ana, supaya ing ngendi Aku ana, kowé uga pada ing kana.

Tomas ngomong marang Panjenengané: “Gusti, kula ora ngerti menyang ngendi lunga Panjenengan, dadi kepriyé anggèn kula ngerti dalané mrana?”